Dili_ 20/02/2023-OXFAM Timor-Leste servisu hamutuk ho Asosiasaun Jornalista Timor-Leste (AJTL ), PERMATIL no Sekretário Estadu Ambiente inklui mós National Autorite Designal (AND) organiza Média Tour hodi lori jornalista sira ba munisípiu atu halo kobertura iha àrea rural, ne’ebe foka liu ba impaktu husi mudansa klimátika ba komunidade sira uja matenek lokál hodi luta hasoru mudansa klimátika iha istoria susesu balun, hodi nune’e bele uja dadus no informasaun sira ne’e hodi influénsia Governu atu bele tau importansia no buka solusaun ne’ebe sustentavel ba komunidade sira bainhira hasoru krize klimátika.
Adilson da Costa Junior nu’udar portavós ba Atividade Média Tour hatete, Mudansa Klimátika ne’e afeta makas ba Feto no Labarik sira ne’ebé vulneravel no mós ba Ema ho Difisiensia tanba ne’e mak OXFAM Timor-Leste servisu hamutuk ho AJTL no Sosiedade Cívil inklui membru organizasaun atu hasa’e konesimentu hodi Kobre ba asuntu refere, nune’e nia agradese ba AJTL no jornalista sira tanba bele servisu hamutuk ho OXFAM atu bele ba munisípiu hodi kobre asuntu sira ne’ebe komunidade sira hasouru liu-liu iha àrea rurais.
“Iha Média Tour ida ne’e objetivu atu esplora informasaun ne’ebe komunidade sira hasoru liu-liu iha munisipiu rua hanesan Ermera no Oe – cusse Iha munisípu rua ne’e ha’u hanoin katak jornalista sira bele tun ba terenu hodi hare problema ne’ebe mak komunidade sira hetan liu-liu ba feto no labarik feto no ema ho defisiénsia sira hasoru iha area mudansa klimátika,” dehan nia hafoin destaka jornalista sira ba muníspiu.
Haforsa tan husi prezidente AJTL Zevonia Viera dehan liu husi diskusaun Jornalista ho OXFAM durante loron rua hodi tulun jornalista sira atu identifka problema ka isu ne’ebe komunidade sira hasoru liu-liu feto no labarik feto no Ema ho Difisiénsia no grupu feto sira hasoru iha krize mudansa klimátiku, tanba ne’e AJTL no OXFAM identifika problema ne’ebe feto no labarik feto inklui Ema ho Difisiénsia hasoru kona asuntu Mudansa Klimátika barak liu mak sira hasoru, nune’e oinsa Jornalista halo kobertura atu hato’o ba iha parte relevante hodi buka solusaun.
“Atividade Media Tour ne’e importante ba OXFAM no ATJL oinsa mak lori jornalista sira ba kobertura iha area rural kona-ba problema sosial ne’ebe ema vulneravel sira hasoru, ha’u espera atividade ne’e ajuda ema liak lae’k sira hato’o sira nia preokupasaun ne’ebe sira hasoru liu-liu liga ba mudansa klimatika oinsa tulun Governu atu tau prioridade ba asuntu ne’e liu husi Aprovasaun OGE kada tinan,” Haktuir nia.
Programa Média Tour hanesan Atividade ida ne’ebe finansia OXFAM no servisu hamutuk ho Asosiasaun Jornalista Timor-Leste (AJTL) no kada tianan fasilita Jornalista ba munisipiu sira hodi ba Kobertura Iha Area rural relasiona ho problema sosial ne’ebe Komunidade sira hasoru, Nune’e iha loron 20/02 2023 OXFAM ho AJTL organiza tan Jornalista sira hodi ba iha Munisipiu rua mak Hanesan Ermera no RAEOA durante loron 4 atu halo Kobertura ba asuntu Mudansa Klimátika global ne’ebé mak komunidade iha Area rurais sira enfrenta.
AJTL & OXFAM
Jornalista : Natalina de Araújo
Editor : Natalino Ximenes
Discussion about this post