Raliber-Dili: Centru de Estudu Para a Páz e Dezenvolvimentu (CEPAD) komemora loron mundial liberdade assesu ba informasaun no lansamentu filmé badak “Ha’u iha diretu atu hatene’’.
Tuir Prezindente Board CEPAD Cipriana Pereira katak, ita selebra loron internasional ida ne’e hodi assesu ba informasaun, hanesan cidadaun hotu-hotu iha nia diretu ne’ebé konsagra ona iha konstitusional katak sidadaun ida-ida iha diretu no liberdade atu espresa nia informasaun, hetan informasaun no bele fó informasaun.
’’Bainhira ita fahe informasaun ita labele hetan presaun no julga husi ema seluk ho buat hirak ne’e ita presiza garantia ou lei ida ne’ebé mak parlamentu presiza aprova atu nune’e bele distingue katak bainhira mak ita ejerse ita nia direitu no liberdade,’’. Nia dehan ba Jornalista Radio Liberdade iha Muzeum Rezistensia Timorense, Kaikoli Dili (28/09/2022).
Entretantu iha komemorasaun ne’e Diretor ezekutivu CEPAD, Joaõ Boavida informa, konsagra iha artigu 40 konstitusional RDTL nian, sidadaun Timoroan hotu-hotu iha diretu atu hetan informasaun no mos espresa nia hanoin, maibé iha realidade rua ne’e seidauk akontese didiak efetivamente direitu de espresaun, atu koalia sai ita nia hanoin, atu espresa no atu fó ita nia pareser, maibé dala barak ita nia opiniaun ne’e mos la hetan informasaun klaru.
’’Ne’ebé ami hakarak serbisu hamutuk ho polisia investigasaun kriminal PCIC no parlamentu Nasionál liu-liu ho povu tomak atu nune’e liu husi parlamentu nasional hodi hamosu lei ida hodi fasilita fali atu bele tau iha faktu no pratika Direitu tuir konstitusional artigu 91’’.
Selebrasaun ne’e hala’o iha Muzeum Rezistensia Timorense, hetan suporta husi União Eropeia, no partisia husi Prezidente Parlamentu Nasional, Universitarius no mos foinsa’e sira.
Jornalista : Anna & Mella
Editor: Eva Florentina
Discussion about this post