Radio, online – Sidadaun Timor Leste hamutuk 294 hetan ona positivu HIV/SIDA. Informasaun ne’e fo sai husi Diretor Nasional Saude komunitaria, Isabel Maria Gomes ba ekipa treinamentu sensitivu jeneru iha Hotel Vila Verde, Kuarta, (24/10), liu husi workshop komisaun nasional kombate HIV/SIDA.
Tuir Isabel, husi numeru kazu positivu HIV/SIDA 294 involve feto hamutuk 147 no mane 147, numeru ne’ebe a’as liu mak iha Distrito Dili. maioria joven mak hetan moras ne’e.
“Moras refere iha ona 294 kasus feto iha 147 no mane iha 147 numeru ne’ebe a’as liu mak iha Distrito Dili, tanba moras ne’e joven barak mak hetan barak liu,“ Dehan diretora.
Iha fatin hanesan Sekretariu Jeral ba Komisaun Nasional HIV/SIDA, Rui Carvalho dehan, workshop ne’e nia objetivu, oinsa partisipante seitor privadu bele iha koinesemrntu kona ba moras HIV/SIDA, oinsa atu fo kunesementu advokasia HIV/SIDA ba iha servisu fatin no oinsa bele hadok a-an husi diskriminasaun ho estigma ba servisu fatin.
“Hau sei fahe tan infomasaun ne’e ba ami nia kolega sira seluk iha ami nia area ida diak atu nune’e bele prevene husi moras HIV/SIDA, tanba moras ne’e bele halo ema mate tan laiha aimoruk atu kura so iha deit aimoruk ida atu prevene laos atu kura,”nia akresenta.
Partisipante iha workshop ne’e mai husi servisu nain sira mak servisu iha hotel, bar, instituisaun govern, no seitor sektor privadu. (Joaquina, Joao, Ermelinda)
Discussion about this post