Radio, online – Sofer Microleta, Francisco Magno no motorista Joao Soares husu ba governu hapara ona subsidiu ba fos ne’ebe hamosu KKN, diak liu fo subsidiu ba mina. Tamba agora dadaun foin mina hanesan gazolina sae maka’as. Agora U$ 1.45 kada litru.
Ba radioliberdadedili.com Francisco ho Joao lamenta Kuarta, (2410)dehan durante ne’e governu la iha atensaun maximu ba folin mina ne’ebe sae maka’as.
“Ita nia nasaun riku mina, maibe tamba saida mak ita nia mina folin sae maka’as, idepois ita nia transporte iha nasaun ne’e menus kompara ho nasaun sira seluk,”dehan Francisco.
Relasiona ho stock kombustivel ne’ebe mamuk ona iha Timor Leste, komunidade ka kondutor sira husu ba Ministru kompotente atu kontrola didiak kombustivel iha pertamina sira hotu.
Nune’e, sentru kombustivel balun fa’an ‘subar-subar’ iha tempu kalan atu hasa’e presu kombustivel tuir sira nia hakarak.
“Hau arepende tamba kompania sira hasa’e mina nia folin tuir sira nia hakarak deit, tanba ne’e, ami husu atu kontrolu folin mina ne’e tuir standar internasional. Ita moris iha nasaun nia kontrola laos ema ididak fa’an tuir nia gostu,” dehan Joao.
Joao mos hatutan, deskonfia ne’e hanesan jogadas politika ida atu populasaun sira halo asaun hasoru governu atu misaun ONU ninian kontinua iha TL.
Discussion about this post