Radio, online – Liu husi publikasaun Jornal Independente – Sesta-feira, 12 Outubru 2012 dehan, Asian Football Confederation (AFC) liu husi nia auditoria interna ne’ebe halo iha Julhu akuza Prezidenti Federasaun Futebol Timor Leste (FFTL) Francisco Kalbuadi Lay simu osan subornu hamutuk U$ 50.000 relasiona ho eleisaun Prezidenti FIFA iha tinan kotuk.
Auditoriu interna AFC ne’e halo husi kompania Auditoria internasional Pricewaterhouse Coopers ne’e iha loron (13/7) identifika katak, deskunfia Prezidenti FFTL Kalbuadi Lay hamutuk ho official AFC balun nian simu subornu husi Mohammed Bin Hammam, eis Prezidenti AFC atu vota kontra Seep Blater ba eleisaun Prezidente FIFA.
Tuir reportajen husi ajensia notisia, Association Press (AP) no Ruters hatudu katak, Klabuadi hamutuk ho Prezidente Federasaun Nepal, Qatar no Filipina simu osan ho kuantidade ne’ebe la hanesan. Eis director FBI husi Estadus Unidus Amerika Louis Freeh hetan ona konvite husi AFC hodi envolve iha ekipa investigasaun ba kazu ne’e. Auditoria hateten, Gaurav Thapa, oan husi Prezidente Federasaun Nepal simu osan hamutuk US$ 100.000, Jose Mari Martinez US$ 60.000 no US$ 11.226 hodi selu kustu saude, nune’e, Francisco Kalbuadi Lay Husi Timor Leste simu US$ 50.000.
Eis Prezidenti AFC Bin Hammam mos hetan akuzasaun hasai osan hamutuk U$ 700,000 husi AFC nia oferese ba ninia an no ninia familia, inklui U$ 100,000 ba nia kaben.
Auditoria mos akuza portavos federasaun Futebol Bangladesh ida simu U$ 25,000 ba interese pesoal no no ninia sekretariu Jeral simu U$ 20,000 hodi ajuda nia tratamentu moras kankru.
Entertantu Prezidente Federasaun Futeboll Timor Leste ne’ebe agora kaer pasta Ministru Turizmu iha Atuak Governu Bloku Koligasaun, Francisco Kalbuady Lay hatete, ne’e akuzasaun falsu ne’ebe hasoru nia no lider potensia sira iha FIFA nia laran.
“Hau nia surat sira ne’e klaru hotu, ne’e la’os hau de’it, ne’e komesa husi Prezidenti (FIFA) Blater tun mia, sira hare ema potensia sira ne’e, sira soe buat ida hanesan ne’e,” dehan Kalbuadi ba Independente (10/10) iha Lahane, Dili.
Nia dehan, oras ne’e dadaun nia ho Prezidenti FIFA eleitu laiha problema no foin dadauk nia ba iha FIFA hodi tuir inkontru ida ne’eba. Maske media internasional balun hakerek no fo sai maibe, Eis Prezidenti AFC Bin Hammam seidauk fo nia komentariu ba kazu ne’e.
Maibe, ba kestaun ne’e, tuir nia advogadu hateten, akuzasaun ne’e hanesan FIFA nia taktika ida hodi blokeia nia, hodi fila bam undo futebol, Bin Hammam hetan ona suspensaun tinan ida ho balun nuudar Vice Prezidenti no Prezidenti FIFA AFC laran.
“Hau hanoin dezenvolvimentu ida ne’e mos halo buat ida kalru tebes ba ita, hotu-hotu laiha fatin tan, ba pratika ne’ebe la etiku iha AFC,” Zhang Jilong hatete, hanesan ajensia notisia, AP publika foin dadauk ne’e.
“Hau husu Exco (Komite Exekutivu) atu prevene kualker sala uza poder, hau husu Exco atu labele permiti ema ruma atu estraga AFC nia imazen. Jornal Independente.
Discussion about this post