Radio, online – Sorti at, ba Fatima Mesquita ho idade 44 iha dadersan dia 29 de Setembru liuba maizumenus tuku 5 madrugada sai husi uma ba buka bee mos iha bee matan ne’ebe ho distansai 2 Km, tamba rai namdora, Fatima monu tamba ba bee matan too husi nia is.
“Ami ba halo aktividades diskusaun komunitaria iha Distritu Covalima ba suku neen (6), inklui suku Mape. Iha dadersan ami rona tia ida mate tamba ba buka bee mos ne’ebe monu iha bee matan laran,”dehan xefi Deputy Diretor Luta Hamutuk Joaozito Viana ba jornalista liu husi konferensia da emprensa foin lalais ne’e.
Dezastre ne’e mosu iha suku Mape, Sub-Distritu Zumalae, Distritu Covalima. Iha suku Mape tempu bailoro naruk susar tebes asesu ba bee mos. Iha uma kain 100 mak asesu ba bee matan ida deit.
Joaozito hatutan, iha momentu ferik ne’e mate ekipa Luta Hamutuk halao kedan diskuasaun ho xefi suku, lian nain no komunidade sira. Iha diskusaun ne’e povu hakarak teb-tebes governu liu husi Servisu Aqua Saneamentu (SAS) atu fo atensaun maximu ba bee mos.
Foto iha ne’e hasai husi ekipa diskuasuan Luta hamutuk. Iha foto ne’e vitima ne’ebe mate tamba buka bee mos. Vitima husik hela ninia oan nain 2.
Discussion about this post