Radio Online,- Manager Centru Juventude distritu Ermera, Carlos Salsinha, iha nia intervensaun haktuir katak “emprinsipiu treinamentu ida ne’e, centru halao servisu hamutuk ho SEJD no SEJD halo kooperasaun fali ho TLMDC, hodi fo kapasitasaun ba foin sae sira iha distritu Ermera, objective husi treinamentu ida ne’e mak halai liu ba IT, oinsa foin sae sira hatene sobu no hadia fila fali komputador ne’ebe iha, tengki apreveta halo didiak tamba benefisiu ne’e ba foin sae sira rasik, Siensia ne’e importante”.
Carlos hatutan liutan katak “atu korajen foin sae sira ka atu motiva foin sae sira, husu atu loron lima ne’e tuir ho pasiensia, atu nune’e bele hetan benefisiu, katak mai ho esperansa, fila ho lembransa katak mai ho esperansa tuir to’o rohan, fila ho lembransa hatene buat ruma ne’ebe iha benefisiu”.
Reprejentante Direitur TLMDC, Ray Silva, haktuir “siensia ne’e relative, ohin aprende no loron aban sei aumenta kunhesementu barak liutan , tamba ne’e mak persija aumenta kunhesementu, Ray mos sublinha katak “Treinamentu ne’e hanesan meus atu ajuda aselera liutan kunhesementu, oinsa atu kombina liu liu kona ba area IT ninian. Ray mos husu ba partisipantes sira, “Labele kompleta deit loron lima treinamentu hodi hetan sertifikadu no la aprende buat ruma, maibe uja oportunidade ho diak atu bele aprende no fila bele aplika”.
Reprejentante shefi du suku Talimoro ne’ebe partisipa mos iha seremonia loke treinamentu IT bajiku ne’e haktuir ba partisipantes katak “uja oportunidade ne’ebe iha atu dejenvolve skil ba future, apreiveita didak loron lima ne’e atu bele hetan kunhesementu foun ruma”.
Direitur Nasional de Komunikasaun SEJD, Joao do Santos, haktuir mos ba partisipantes sira katak, “Treinamentu ida ne’e realija hanesan planu annual SEJD, Diresaun Nasional Komunikasaun, tamba ho hanoin oinsa mak atu dejenvolve joven sira iha area oioin, bele kapasita an e bele transforma ba kolega seluk iha fatin ne’ebe deit”.
Partisipa iha abertura treinamentu ne’e Direitur Nasional de Komunikasaun SEJD, Shefi du Suco Talimoro, Official SEJD distritu Ermera, Manajer Centru Juventude Ermera, Ekipa fasilitador TLMDC no reprejentante Direitur TLMDC, Estajiariu Universitariu UNTL, no partisipantes treinamentu nain 15. Treinamentu Teknolojia Informatika ne’e sei halao hahu loron 1 to’o 5/10/2012.
Discussion about this post