Radio, online – Komunidade suku Leuro Sub-distritu Lospalos halerik ba bee mos tamba Kompania Larimasa Unipesol abandona hela projetu bee mos ba komunidade sira iha fatin ne’ebá.
Xefe Suco Leuro, Alarico Lopes Fernandes, liu husi via telefonika ba jornalista radio liberdade hateten, kompania Larimasa ne’ebé kaer Projeto Dezenvolvimentu Lokal ( PDL ) komesa husi tinan 2010.
“Dada bee mos ne’e husi Kompania Larimasa ho montante orsamentu U$ 80.000 husi projetu PD. Hahu husi fulan agustu tinan 2010. Maibe to’o agora bee seidauk mosu.”
“Tuir planu ami uma kain total hamtuk 370 mak atu utiliza bee mos ho total populasaun 1045, be’e ne’e foin dadauk sae ona, maibe iha tinan 2011 iha fulan Febreiru laiha fali ona,” tenik nia
Alarico salenta katak, probelam ne’e ami relata ona ba Komisaun Anti Korupsaun, (KAK) atu mai investiga maibe to’o agora seidauk iha resposta ruma husi sira.
“Ami relata ona ba KAK atu mai investiga maibe to’o agora seidauk investiga tuir,” dehan nia.
Montante orsamentu ne’ebá aloka ba ba projetu dada bee mos ne’e mak US $ 80.000.
Radio Liberdade online koko dala barak ona kontaktu kompania nia nain, maibe ninia telephone mate hela deit.
Discussion about this post