Radio, online – Liu husi forum governasaun demokratiku iha Administrasaun Sub-Distrito Nain feto, Bairo Formosa Kuarta feira (26/9) ne’e, Administrador Distrito Dili Gaspar Soares hateten, objetivu forum ne’e, oinsa atu promove kultura demokrasia iha komunidade nia le’et.
“Partisipasaun autoridades lokais sira iha forum governasaun demokratiku ne’e importante tebes hodi bele hato’o kestaun komunidade nian hodi sai hanesan rezolusaun komunidade nian ba governasaun atual ,” hateten Gaspar Soares.
Mezmu V governasaun konstitusional foin hala’o nia servisu maibe ho forum ida ne’e bele loke oportunidade ba autoridade lokais hodi hato’o kestaun komunidade nian
Iha forum ne’e partisipantes hamutuk lima nolu resin lima (55) husi autoridades lokais mak hanesan Xefe Suku, Xefe Aldeia, Konsellu Suku, Lia Nain, Pessoal Apoiu Suku no reprensentante junentude.
Durante diskusaun husi autoridades lokais konsege elabora kestaun importante komunidade nian mak hanesan iha area Edukasaun, Infraestrutura, Saude no seluk tan, hodi nune’e sai hanesan ajenda rezolusaun ba hato’o iha Presidente da Republika, Governu no Parlamentu Nasional.
Iha fatin hanesan Xefe Aldeia Deposito penal husi Suku Lahane Oriental Sra. Francisca Almeida Martins hateten katak forum ida ne’e importante teb-tebes tanba bele loke oportunidade hodi hato’o kestaun komunidade nian ne’ebe durante ne’e ejiji.
Iha V governasaun konstitusional agora foin mak funsiona servisu fulan rua maibe antes atu implementa programa hirak ne’e ami kestiona problema komunidade nian para fo atensaun iha tinan lima mai
Iha parte seluk, Xefe Suku Santa Cruz, Manuel Correia, hafoin diskusaun hateten katak foin primeira vez forum governasaun demokratiku ne’e ba ami tanba problema komunidade sira ami enkaisa hela maibe ho oportunidade ida ne’e ami bele apresenta iha forum ne’e no sai hanesan rezolusaun ba Governo, Parlamentu no Prezidente da Republika.
“Liu husi prosesu diskusaun ami ami hato’o preokupasaun komunidade nian ,” hateten.
Discussion about this post