Radio, online – Formasaun Information Technoligy (IT) ne’e halao iha sentru Juventude OASIS, Baucau ho partisipantes nain 20, hahu loron 17-21 fulan Setembru tinan ne’e.
Iha abertura loke formasaun IT ne’e, Direitur Geral Sekertariu Estadu Juventude Desportu (SEJD, Jose Luis de Padua Oliveira, haktuir nia esperansa atu foin sae sira ne’ebe mak partisipa iha formasaun ne’e bele ganha esperensia no kunhesementu foun kona ba IT husi fasilitadores sira ho diak no bele utilija kunhesementu foun ne’ebe mak hetan iha moris nudar foin sae ho diak mos..
Diretor Geral SEJD ne’e hatutan, esforsu no politika kontinua iha atu oinsa bele kapasita foinsae atu nune’e foin sae sira bele iha kunhesementu ba area barak hanesan IT.
Formasaun hanesan sei realijatan iha distritu Manufahi, Ermera no ikus liu iha Bobonaro, Iha kriteria treinamentu mak partisipantes ho idade masimu 25, no iha balansu feto ho mane.
Manager OASIS, Flabiano Pereira Jeronimo mos espera atu foin sae sira utilija ho diak oportunidade formasaun ne’e no labele tauk no moe atu husu saida mak sidauk kompriende.
Partisipantes iha treinamentu ne’e mak Direitur Geral SEJD, Direitur Nasional de Komunikasaun SEJD no ekipa, Diretur Timor Leste Midia Development Centre (TLMDC) no Fasilitadores sira, Manager Centru, Staff SEJD Distritu Baucau, no foin sae maijumenus 40.
Discussion about this post