Radio, online – Liu husi seminairu de Akolhilmentu III Lejislatura ne’ebe halao husi dia 5-11 Setembru prezensa husi, Eis Prezidenti da Assembleia Republika Portugal, Jaime Gama, no Eis Prezidenti Parlamentu da Cabo Verde, Aristides Lima, hodi fahe esperensia no troka ideias ho Deputadus III lejislatura.
Prezidi seminariu ne’e, diretamente husi Prezidenti da Parlamentu Nasional (PN) Timor Leste III Lejislatura, Vicente Guterres, seminarui ne’e ho nia objetivu atu fahe esperensia no knar Parlamentu Nasional husi Portugal no Cabo Verde ba Deputadu sira iha lejislatura 2012-2017.
Iha enseramentu ba seminairu ne’e, Eis Prezidenti da Assembleia Nasional Republika Portugal dehan, Parlamentar importante tebes ba Deputadu sira hodi halao knar laos deit halo lei ba iha rai laran, maibe importante parlamentares kria amizade ho parlamentares husi nasaun seluk ne’ebe halao relasaun bilateral.
Jaime Gama hatutan, Parlamentares iha Portugal halo relasaun diak ho parlamentu sira mak ejisti iha CPLP. Jaime Gama hanesan jurista ba leis nian, nomos hanesan fundador Partido Sosialista, iha Portugal.” Deputadu sira tenki halo debates iha prosesu demokrasia”.
Iha biban ne’e Gama husu ba Deputadus sira wanihira atu koalia konaba programa ruma no halo lei presiza tebes hetan kobertura husi media hanesan jornal, radio, televizaun no online.
Entretantu iha esplikasaun, Jaime Gama dehan, relasaun orgaun estadu sira ne’e importante tebes ba dezenvolvimentu rai ida ne’e, tamba ne’e tenki defini didi’ak ida-idak nia servisu.
Iha fatin hanesan, Eis Prezidenti da Assembleia Nasional da Cabo Verde, Aristides Lima,hatete iha Cabo Verde atu alkansa servisu diak liutan iha Parlamentu Nasional presiza kria grupo parlamentares amizade ho nasaun sira seluk.
Tuir Lima, parlamentu mak importante tebes ba prosesu tratadu internasional nomos ba dezenvovlimentu nasaun ida nian. Prosesu alokasaun orsamentu do estadu tenki hetan aprovasaun husi parlamentu hafoin lori ba Prezidenti da Republika hodi halo promulgasaun, foin governu bele ezekuta.
“Ita hanesan nasaun Comunidade País Lingua Portuguesa (CPLP) tenki hola parte iha grupo parlamentares amizade, iha grupo ne’e hodi fahe esperensia no troka hanoin ba malu hodi atende didiak nasaun sira iha CPLP,”Lima akresenta.
Prezidenti Parlamentu Nasional, Vicente Guterres, dehan ho prezensa husi Eis Prezidenti da Assembleia Republika Portugal, Jaime Gama, no Eis Prezidenti Parlamentu da Cabo Verde, Aristides Lima iha seminairiu ne’e fo hanoin ba Deputadu sira atu halao funsaun ho lolos.
“Deputadus sira presiza rona esperensia barak ne’ebe mak ita nia orador hato’o ne’e, ne’e importate tebes ba ita hanesan orgaun halo lei no fiskalizador,”dehan Vicente.
Eis Prezidenti II lejislatura Fernando La Sama de Araujo, dehan durante iha nia responsabilidade ba PN iha II lejislatura hasoru defisil barak, difikuldade mak lingua Portuguesa.
“Hau hasoru obstaklu barak, durante hau nudar Prezidenti PN, maibe bele ultrapasa tamba bele halo lei barak no kolega Deputadus sira ne’ebe fo benefisiu ba povu iha nasaun ne’e,”dehan La Sama.
Discussion about this post