Radio, online – Moris iha sidade Dili laos fasil. Ida ne’e mak akontese ba tiu ida ho naran Afonso (60 resin). Iha dadersan halo ema hotu hakfodak no hobur hodi hakbesik, tamba tiu Afonso nia isin mate latan hela skada eis edifisu Clube Sporting nian, iha tasi ibun.
Iha dader kuaze tuku 08:45, Polisia Servisu Investigasaun Kriminal (SIK) to’o iha fatin, Sesta, (14/9), duni asu rua ne’ebe toba besik iha mate isin nia sorin, hodi lori matebian ba Hospital Nasional Guido Valadares (HNGV), atu halo otopsia.
Tuir familia matebian Afonso, Balbina Soares, ba jornalista dehan, durante Afonso hela iha eis clube sporting ho katuas Antonio kleur. Tuir Balbina matebian ne’e husi Distritu Baucau, ne’ebe hemu tua dor.
“Hau koinese katuas Afonso ne’e mai fa’an san iha Banku Nasional Ultramarino (BNU) nia oin, ami koinese. Ami bolu nia hanesan apa no hau nia oan sira mos bolu hanesan avo. Nia (matebian) sempre ba uma hodi husu osan no husu hahan asu nian.
Balbina hatutan, konaba ninia mate hau la hatene, tamba Balbina hela iha Quintal Boot.
“Horseik nia ba uma, diak hela no nia hamnasa ho ami, nia dehan imi nia asu atu mate, be imi la ba hare ga?,”dehan Balbina lia fuan ikus husi matebian.
Iha sorin seluk, Anselmo Abril Gomes oan husi matebian nia kolega Antonio informa mos katak, katuas ne’e durante halo ransu ho nia apa no ba bebeik uma. “Nudar kolega, matebian nunka konta ninia familia mai ami,”.
Tuir polisia iha fatin akontesementu dehan, mate isin sei lori ba tau iha mortuario hodi halo prosesu investigasaun, hodi hatene lolos motivu husi mate ne’e.
Discussion about this post