Radio, online – Orfonatu (oan kiak-red) hamutuk 89 ne’ebe hela iha kongresaun madres Canossiana, Becora husu ba estadu atu hadia sira nia hela fatin.
Liu husi Madre Canossa, Guelhermina Rosaria da Costa wainhira remata hasoru malu ho Prezidenti da Republika, Taur Matan Ruak iha palasio prezidensial, Aitarak laran Dili Segunda, (10/9).
Ba jornalista Madre Guelhermina dehan asuntu ne’ebe koalia ho PR husu atu ajuda hodi tau matan ba ema kbi’it laek sira ne’ebe kongresaun Canossa tau matan hela.
“Hau mai husu ajuda husi ita nia Prezidenti da Republika atu bele fasilita ami nia serbisu ne’ebe ami halao loron- loron, tamba Prezidenti hanesan aman ba ita nia nasaun ida ne’e. Hau lori oan kiak 89 nia naran mai husu apoiu ba Prezidenti da Republika atu hadia uma,”dehan Madre Guelhermina.
Uma ne’ebe orfonatu nain 89 hela ba antes ne’e iha krizi 2006 refujiadu sira hela, to’o agora seidauk hadia. Agora dadaun kondisaun uma la premiti ona ba orfonau sira atu hela.
Hatan ba asuntu ne’e Prezidenti da Republika, Taur matan Ruak liu husi Madre dehan, asuntu ne’e importante no sei hato’o ba governnu hodi atende.
Discussion about this post