Radio, online – Premeira Dama Timor Leste, Isabel Ferreira hakat ba Tribunal Rekursu (TR) lori dokumentus riko soin husi Prezidenti da Republika Taur Matan Ruak hodi ba hatama iha TR no fo sai ba publiku hodi hatene.
Premeira Dama lori dokumentus ne’e iha Kuarta, (22/8) Kaikoli, Dili. Prezidenti da Republima fo sai nia riku soin ba TR no ba publiku bazeia ba lei numeru 7/2007.
Iha Palacio da Prezidenti, liu husi konferensia da emprensa, waimnhira fila husi TR, Espoza PR Taur dehan katak, Prezidenti promote saida mak nia hateten iha kampanha no iha tomada de pose, katak nia hakarak sai ezemplu ba sidadaun hotu hotu.
“Nia (Prezidenti) sei deklara ninia riku soin iha tinan-tinan ba publiku durante nia mandatu hanesan PR. Hodi bele hatene riku soin aumenta ne’e maoi husi ne’ebe. Ida ne’e publiku tenki hatene. so ho ida ne’e mak ita bele kontrola ita nia ukun nain sira para dehan sira riko ne’e tamba pozisaun ne’ebe iha ho salario iha ou ho buat seluk karik,”dehan Isabel.
Isabel dehan ho deklara riku soin ne’e pasu importante atu kombate korupsaun iha nasaun ne’e. Deklara riku soin ne’e vontade husi PR Taur nian an rasik no hanesan premeira dama.
“Ohin ami ba ne’e laos ami hetan notifikasaun husi TR, maibe ami hakarak kompri lei. Ita halo lei atu ita tuir tamba ita estado de diretu katak ita hotu iha lei nia okos, saida mak iha lei ne’e iha ita halo tuir. Nee obrigatorio hanesan sidadaun atu hadia nia nasaun rasik,”Isabel komenta.
Tuir mai riku soin mak PR Taur iha;
Jose Maria Vasconselos no Isabel Costa Ferreira nia osan iha Banku BNU hamtuk 33.836.56 US$ husi loron 21 / 8/2012.
Jose Maria Vasconselos nia osan iha Banku BNU total 40.307.73 US$ 21-8-2012 no nia espoja Isabel Costa Ferreira osan iha Banco Mandiri hamutuk 50.286.70 iha Westpac Australia’s First Bank hamutuk 5.408.66 iha Westpac Banking Corportation osan hamutuk 10.000 AUSD
Depois ba nia ona Lola Ruak Ferreira Vasconselos iha banku BNU hamutuk 10.285.64 US$ nia oan Queshadip Ruak Freira de Vasconselos BNU hamtuk 8.166.35 US$, nia ona Albertina Tamarisa Ruak Ferreira V no Isabel Costa Ferreira iha caixa jeral Deposito Sucursal BNU Timor hamtuk 5.012.53 US$ 21/8/2012.
Iha kareta ho marka Land Rover (4×4), rejistu ho naran Taur Matan Ruak iha 2001, ho numeru matrikula 10.002 TLS.
Toyota Camry (sedan automovel), rejistu ho naran Taur Matan Ruak iha 2001, ho numeru matrikula 10.003 TLS.
Toyota Prado (4×4), rejistu ho naran Isabel da Costa Ferreira iha 2011, ho numeru matrikula 25.238 TLS.
Discussion about this post