Radio, online – Relasiona ho kilat lakon husi Instituisaun estadu Polisia Nasional Timor Leste (PNTL), Diretor Fundasaun Mahein (FM), Nelson Belo rekomenda ba estadu liu husi governu atu hari lalais payol, hodi rai sasan kroat maka durante ne’e PNTL utiliza atu nune’e bele kontrola ho didiak.
Diretor FM ne’e hatutan, tenta identifika iha istoria badak kona uza sala kilat durante 2002-2012, identifika hamutuk ema rua nolu resin mak mate iha teritoriu tamba parte siguransa uza sala kilat.
Nelson Belo hato’o kestaun ne’e liu husi konferensia da emprensa ne’ebe mak halo iha edifisiu FM, Balide (13/8).
Konferensia ne’e foka liu ba ba seitor defeza no siguransa nian katak membru polisia balun uza sala kilat, ne’ebe ikus mai lakon.
Bazeia ba faktus ne’ebe mak akontese iha Sub-Distrito Hera Distrito Dili ne’ebe polisia tiru mate estudante iha loron (16/7).
Ikus lius Diretor FM dehan, wainhira atu hari payol no bele garante manajementu kilat ida ne’ebe hatur iha lei no kontrolu ne’ebe diak presiza involve direitamente husi Ministériu Defeza no Siguransa inklui Parlamentu Nasional Komisaun B ne’ebe iha papel fiskalizador.
Discussion about this post