Radio, online – Hodi hasa’e kapasidade juventude sira iha area jornalizmu Sekertariu Estaadu Juventude Desportu (SEJD servisu hamutuk ho Timor Leste Media Development Centre (TLMDC) hala’o treinamentu durante loron lima (5). Treinamentu komesa dia 06/08/2012 ate 10/08/2012 ne’ebe partisipa husi Juventude husi distritu lima (5) mak hanesan Dili, Ermera, Aileu, Liquica no Manatuto ho total partisipante hamutuk 25.
Iha serimonia abertura Diretur Geral SEJD José Luis Padua de Oliveira iha salaun Joao Paulo II Segunda, (6/8) husu ba foin sae sira atu aproveita politika ne’ebe governu trasa hodi hasae juventude sira nia koinesementu iha area jornalizmu nian nee.
Diretor Geral mos husu atu juventude sira aproveita tempu hodi hetan netik buat ruma hodi hakat ba oin. “Nasaun ne’e iha foin sae sira nia liman, liu husi area saida deit hodi kontribui ba,”dehan Jose Luis Padua.
Iha fatin seluk hanesan Directur TLMDC iha nia diskursu hateten katak TLMDC sei esforsu aan hodi fasilita treinamentu ba joven sira sira ho diak atu nune’e sai hanesan bukae ba Foinsae sira iha Futuru mai.
Dionisia de Oliveira Lobato partisipante husi Distritu Liquica dehan, kontenti tebes ho treinamentu ne’e. Tamba ho treinamentu ne’e hodi fo esperansa ba foin sae sira iha futuru.
“Hau agradese ba governu no instituisaun media iha esforsu tebes hodi buka dalan ba foin sae sira hotu nia futuru.
Treinamentu ne’e hanesan etape premeiru. Tuir planu ba atape segundu kontinua iha fulan ida ne’e nia laran. Ba etape treseiru sei halao iha fulan Setembru nia laran. Total juventude 65 mak sei aproveita oportunidade ba formasaun area jornalilzmu nia ne’e.
Discussion about this post