Radio, online – Bolseirus sanolu resin hitu (17) sei hakat ba Indonezia hodi estuda atu nune’e aumenta kapasidade konaba jestaun projektu ka project management iha Ministeriu das infra-estruturas (MI).
Programa bolsa de estudos ne’e implementa liu husi projektu asistensia teknika Banku Dezenvolvimetnu Aziatiku (ADB) hetan finasial husi Governu Australia (Ausaid). MI simu funsionariu sira nebe’e manan bolso de estudos iha Kaicoli, Dili (19/7).
Liu husi seremonia ne’e Ministru Infra-estruturas, Pedro Lay hateten katak programa bolso de estudos ne’e Ministeriu das infra-estruturas halao ba dala rua ona, premeiru grupu halao iha tinan 2 liu ba no segundu grupu atu aranka ba indonezia iha semana oin.
Pedro hateten liu tan katak bolso de estudos MI nian ajuda kustus estudus nian no mos akomondasaun,subsidiu han hemu nian,ho tan kursu ingles no estudus peskiza.sira hetan mos billete ba mai no seguru kontra no saude.
Iha parte seluk Embaixador Australia ba Timor-Leste Miles Armitage fo parabens ba bolseirus hirak nebe mak atu ba estuda iha indonezia.nia hein katak bainhira bolseirus hirak ne’e kompleta ona sira nia estudu,bele fila mai kontribui ba dezenvolvementu Timor-Leste e nia mos espera katak bolseiru hirak ne’e sei hetan posizaun ne’ebe diak iha Ministeriu liu husi kuinesementu no matenek nebe sira hetan.
“Iha oportunidade ida ne’e,hau mos agradese ADB no Ministeriu Infras-estrutura nebe esforsu ona hodi halo selesaun ba kandidatu bolus estudu ho susesu.ida ne’e hanesan ezemplu diak ba kolaborasaun Governu no doadores sira, ami agradese no apresia tebes ita nia parseria no hein atu servisu hamutuk nafatin iha tinan hirak mai,”Miles akresenta
Bolseirus sira ne’e sei estuda iha areas hanesan enjenaria elektrika, jeoteknika no hidraulika, siensia atmosferikas, jestaun ba konstrusaun, transportes aereos, lei aviasaun, jestaun trasporte iha portu no aeroportu ho tan planeamentu orejional no planeamentu urbanu.seluk tan seiestuda iha area jestaun, jestaun rekursus umanus.
Discussion about this post