Radio, online – Orgaun eleitoral, Comisaun Nacional das Elesoens (CNE) depois finalidade halo apuramentu nasional ba Eleisaun Parlamentar (ELPAR), ohin Segunda, (16/7) lori rezultadu hirak ne’e ba Tribunal Rekurusu (TR).
Prezidenti CNE, Faustino Cardoso depois entrega ba jonalista dehan katak, tuir kalendariu tenki mai entrega apuramentu ELPAR horseik (domingu) maibe tamba loron feriadu ho nune’e mai mai entrega iha Segunda ne’e.
“Ami lori mai entrega ba TR atu bele estuda fali no proklama sai, ami simu rekursu husi partido KHUNTO, ho ida ne’e ami enkamina mai TR no ami aprezenta material sensetivus konaba aktas ne’e ohin para kompleta ho relatoria no akta apuramentu nasional atu TR bele estuda,”Faustino esplika.
Akta balun CNE taka sai iha CNE nian, ne’ebe publiku bele asesu ba. Konaba partido se semak hetan kandeira hira, ho nia kandidatus Deputadus.
Tuir lei TR iha loron tolu atu bele estuda no proklama sai, maibe iha mos rekursu barak entaun iha oras 45 atu TR estuda fali rekursu ne’ebe mak tama.
“Ita hein deit desizaun TR ne’ebe mos sei publika iha jornal da republika,”dehan Prezidenti CNE.
Discussion about this post