Radio, online – Komandante F-FDTL, Major General Lere Anan Timor hato’o kongratula ba maun bo’ot Kay Rala Xanana Gusmao lori partido CNRT sai vensador iha eleisaun parlamentar ba periodu 2012-2017.
Parabens ne’e, General Lere hato’o liu husi Konferensia da emprensa Kuarta, (11/7) iha Quartel Geral F-FDTL Fatuhada, Dili.
Lere hatutan, lori forsa armada nia naran fo parabens ba povo no maun bo’ot Xanana Gusmao hanesan Prezidenti CNRT bele mana konfiansa husi povo liu husi eleisaun demokratiku.
Nune’e mos Lere la haluha fo parabens ba partido istoriku FRETILIN liu liu ba nia lideransa no simpazitantes tomak ne’ebe bele simu fuan ho laran rezultado eleisaun parlametu nian.
“Ita hatene katak lider historiku partido ida ne’ebe senti nasinalismo ho partiotismu maka’as.Ita fiar katak ita nia povo sei fo konfiansa ba Partidi histroriko FRETILIN. Tamba nia hado nia povo no hadomi nia rai,”Lere akresenta.
Lere reforsa katak, F -FDTL nudar lutu ba nasaun, sei halo tuir lei inan ho responsabilidade ho disiplina no profisionalismo iha nia misau hotu hotu. Halo tuir konstituasaun no halo tuir diretivas hotu – hotu mak tun husi governu no estado ba interese nasional povo no estado .
“F-FDTL nia mak lutu ba nasaun molok atu povo mate nia mak mate uluk, tamba ne’e hau husu ba povo atu foti nafatin Forsa armadas nia naran tamba mai husi povo no serbisu ba povo no estado TL tomak, forsa armadas iha nia dever no obrigasaun fo nia vida tomak ba ita nia nasaun ba ita nia povo ba ita nia nasaun wainhira husu ne’e sira nia obrigasaun atu ahalo buat ida , tamba ne’e hau hato mensajen ne’e ba povo hotu,”Lere komenta.
Lere mos huus povu tomak hein ho pasensia iha formasaun V governo konstitusional. Timor ona mak kaer governo nafatin Timor ona mak ukun nafatin, labele laran susar labele ho emosaun ba sese deit mak forma governu.
“Ita konfia ita nia maun bo’ot Xanana nia esperensia bo’ot , ita konfia ita nia lideres partido instoriku FRETILIN atu sei hamutuk. Lider istoriko hanesan Xanana, Jose Ramos Horta, Mari Alkatiri, Taur Matan Ruak, no Lu-Olo sei lori ita nia nasaun no diak ba povu,”Lere hateten.
Rezultadu husi eleisaun partido CNRT hetan kadeira 30, FRETILIN kadeira 25, PD hetan kadeira 8 no Frente Mudansa hetan kadeira 2. Iha partido 17 mak lakon iha kompetisaun demokrasia ne’e.
Discussion about this post