Radio, online – Iha Domingu dader (1/7) tuku 02:15 otl mosu konfrontasaun entre joven iha bairo Kristal ho Caicoli husi asindente ne’e jornalista radioliberdadedili. com, online Acacio Pinto ninia kamera foto hetan prende husi F-FDTL, unidade Polisia Militar (PM).
“Sira (PM) husu hau atu apaga (delete-red) tiha foto iha kamera nia laran, maibe hau lakoi hodi nune’e mak membru PM ida mai hadau kedas hau nia kamera. Depois sira ameasa atu baku tan hau. Membru ida prende kamera ne’e dehan aban mak o ba foti kamera iha ami nia servisu fatin,”dehan Jornalista Acasio ne’e.
Depois foti tiha kamera membru PM ida hakat mai hodi husu jornalista ne’e nia ID card. Iha kobertura ne’e jornalista tara nanis ninia ID card iha ninia kakorok.
“Nusa mak ohin, o la ba hasai ema sira tuda malu ne’e, o mai hasai fali ami nia foto?,”dehan membru PM ida seluk ba Acacio.
Problemas entre joven bairo Kristal ho Caicoli mosu iha festa laran. Husi tuda malu ne’e PM sira konsege kaer ema ida. Iha kapturasaun ne’e mak jornalista hasai foto. Razaun prende kamera tamba jornalista hasai foto ne’ebe PM kaer hela joven ida.
Joven ne’ebe PM sira kaer ne’e no ikus mai hetan apoiu husi komunidade sira, tamba joven ne’e inosente. Ho razaun ne’e PM husik joven ne’e.
Razaun PM mosu iha konfrontasaun, tamba iha membru foun F-FDTL ida sai vitima ne’ebe ninia uma hetan tuda husi grupo konfrontasaun.
Husi kazu ne’e, sei aprezenta ba Asosiasaun Jornalista Timor Loro sa’e (AJTL), atu halo advokasia.
Husi foto iha leten, vitima jornalista ne’ebe hatais faru manas mean mak PM prende ninia kamera.
Discussion about this post