Xanana fo Ordem ba ADN Rehabilita Igreija Maubisse

Radio, online – Igreija  parokia Sub Distritu Maubisse, Distritu Ainaro oras ne’e dadaun iha situasaun ne’ebe grave, tamba igreija ne’e ameasadu atu nakfera. .Hare ba kondisaun igreija ne’e Primeiru Ministru, Kay Rala Xanana Gusmao  fo orden  urjenti ba  Agensia Desenvolvimento  Nasional  (AND ) atu ba  hare  igreija ne’e  hodi   rehabilita.

’’Ita  presija  duni  atu  tau atensaun Igreija  Maubisse  nia, tamba ne’e povu  nian, i  ita hotu  tenke tau atensaun urjenti,’’koalia Kay Rala Xanana Gusmao  bainhira hare dereitamente situasaun Igreija  Parokia  Maubisse,Domingo (24/06).

Relasiona  ho situasaun refere, Primeiru Ministru  Kay Rala Xanana Gusmao ne’ebe halao nia visita  iha Maubise  atu halo kampaina politika ba partidu  CNRT  hare’e direitamente situasaun igreija refere.

Ba Igreija  Parokia  Maubisse   ne’ebe akompana  diretamente  husi Amu Parokia, Felisiano Bareto no autoridade  lokal Maubisse hodi hare’e situasaun igreija Maubise. Observasaun nebe’e halo  antigo  akolitos  Kay Rala Xanana Gusmao ne’e, nota katak, igreija refere  iha situasaun  ida ke grave, tanba ne’e  moris  igreija  nia okos  i  provoka igreija  ne’e komesa  nakfera  oitoan-oituan  hanesan sinal negative  ba uma igreija Maubese nian.

Igreija Maubesse iha tinan 2013 mai agora  sei kompleita  ba tinan 30, tanba ne’e presija atu hare’e  situasaun infrastuturas  igreija Maubisse ne’e. Iha sarani sira nia oin PM Xanan dehan katak, aban (ohin 25/06) injeneiro sira to’o iha Maubesse  atu hare’e kondisaun igreija nian  atu rehabilita.

Iha biban ne’e Xanana Gusmao  telephone kedas be Direitor Agensia  Dezemvolvimetu  Nasional (AND)  Samuel Marcal  hodi atende lalais  situasaun refere.

Direktur AND  liu hosi telephone  ne’ebe koalia  direitamente  ho PM Xanana, nia sei tun urjente  iha igreija  Maubisse  atu hare’e situasaun Igreija  Parokia Maubisse  nian hodi halo rehabilitasaun.

“Bainhira ita  hare laiha posibilidade  atu rehabilita ona, entaun hau sei konvida parte Igreija nian, no  autorisase lokal  sira no mos sarani sira  atu drsidi fatin ruma  hodi halo igreija ida, maibe ita hein tok injeneiru  sira mai  mak, ita hare fali ba oin  ne’e  oinsa atu halo, em prensipiu, governu sei tau atensaun  maka’as mos ba igreija “ koalia  PM Maibisse  iha missa Domingu  horseik.