Radio, online – Kampaina aberta Partidu Frente Revolusionaria Timor –Leste Independente (FRETILIN), halo tsunami iha Distritu Lautem Lospalos. Iha kampaina ne’e Sekretaria Jeral (SEKJER) FRETILIN Mari Bim Amude Alkatiri apela hodi bolu Kay Rala Xanana no Jose Ramos Horta atu hamutuk hari nasaun.
“Hau husu ba maun Xanana no Maun Ramos Horta mai ita hamutuk hari nasaun hodi lori ita nia dezemvolvimentu ba ita nia povu. Tinan 10 ona ita fahe malu no fahe povu ida ne’e, to’o ona tempu ita hamutuk hodi ukun rai ida ne’ebe ita hotu defende no terus no susar nia laran mai ita hamutuk hodi hanorin prinsipiu luta ba jerasaun foun” deklara Sekjer Alkatiri ba militante no sinpatezante iha Distritu Lospalos (26/6).
Eis Primeiru Ministru (PM) iha Primeiro Governo Konstitusional ne’e realsa katak, jerasaun tuan labele odio malu no labele hadau ukun ba malu, maibe to’o ona tempu atu unidade hodi prepara jerasaun foun ba futuru.
“Ho ita nia hahalok halo povu ne’ebe ita defende sai han malu hela deit, ita jerasaun 1974-1975 labele fo ezemplu ladiak ba jerasaun foun , ita jerasaun mak hadau ukun fali ita sei soran jerasaun foun. I se’e ita hanesan ne’e hela deit ba oin sira sei kontinua han malu, dehan sekjer. Nia haklaken katak, FRETILIN sei laha ta’an figura ida , tanba sira mesak produtu FRETILIN nian.
“Ami jerasaun tuan oitoan deit bele sura ho liman besik ba rai seluk, nune’e antes ba, ita tenke hanorin jerasaun foun . Tan ne’e FRETILIN fila ba ukun sei hare’e veteranus sira i FRETILIN ukun sei lahaluha figura ida ne’ebe nudar produtu FRETILIN,” Alktiri komenta.
Nia akresenta tan iha fatin hanesan Prezidenti FRETILIN, Francisco Guteres ‘Lu-Olo’ hatutan, FRETILIN fila ba ukun sei hasae no haburas produtu lokal iha setor agrikultura , tanba povu maioria moris ho ida ne’e.Nia hateten Governo AMP,CNRT halo programa povu kuda Governo sosa saida,fahe deit traktor maibe la halo sosilijasaun atu haburas produtu ne’ebe bele fo moris ba povu.
“Programa povu kuda governo sosa sai fali povu mak kuda governo sae, sira so sosa deit ba butuk iha armajen sai dodok . Sira nia planu ne’e hanesan hakfodak husi mehi, maibe agora sira labele halo mehi tan, tanba FRETILIN sei manan absoluta, tanba rai Lospalos sei la fo fatin ba eme atu atu ukun.
Depois de remata kampaina Sekjer no Prezidenti Partidu FRETILIN kontinua halao’o viajen mai suku Buburtau ,Sub Distritu Ilomar,Distritu Lautem hodi halo vizita ba mate ruin heroi sira nian ne’ebe mate iha funu laran, tanba defende Indenpendensia TL.
Discussion about this post