Radio, online -Reprezentate Espesial Internu Secretariu-Jeral ONU nian ba Timor-Leste, Fin Reske-Nielsen, ofisialmente entrega ona material sira elisaun nian ba Secretariu Administrasaun Eleitoral (STAE) molok elisaun parlamentar 2012.
Material elisaun nian hirak-ne’e kompostu hosi tinta ne’ebe la bele hamoos botir 5.000, kamizola 2.000 ba observador Nasional, kolete poster ba edukasaun votante no kuadru anunsiu.
Koalia ba jornalista sira, Direitór Jeral STAE, Tomas Cabral fiar katak, eleisaun parlamentar mai ne’e sei sai ezemplu di’ak ba nasaun seluk.
“STAE hamutuk ho ONU iha objetivu ida deit, atu hala’o duni elisaun ne’ebe transparente no imparsialˮ, Director-Jeral STAE, Tomas Cabral hateten. “Hau fiar katak elisaun sira iha Timor-Leste bele sai nu’udar ezemplu ida ba Nasaun seluseluk iha Azia.ˮ
Iha sorin seluk, Xefi UNMIT Fin Reske Nielsen hateten nia fiar ba lideransa STAE nia hodi halo elisaun ne’e sai susesu.
“ONU iha kompromisu atu apoiu prosesu eleitoral iha Timor-Leste,ˮ Fin Reske –Nielson hateten. Hau laran-metin tebes katak ho lideransa di’ak STAE nian, no mos apoiu hosi parte interesada sira, elisaun parlamentar ne’e sei sai justu, pasifiku no susesu.ˮ
Xefi UNMIT hatuir tan, apoiu lojistiku no operasional nian fornese hosi ONU liu hosi ekipa konjunta hosi UNMIT no PNUD, ho fundus husi Japaun, Suesia, Noruega no Irlanda.
Timor-Leste mos bele ona atu hatudu ba mundu katak Timor-leste bele hala’o sira nia elisaun parlamentar ho dame no mos fo apoiu maka’as husi PNTL, F-FDTL, UNPOL hodi bele grantia seguransa ba elisaun parlamentar 2012, nia dehan.
Material elisaun nian hirak- ne’e produs hosi ONU nu’udar parte hosi apoui institusional no asistensia teknika tempo naruk nian ne’ebe fornese ba orgaun jestaun eleitoral Timor-Leste nian.
Discussion about this post