Radio, online – Presidente Conssellu Nasional Juventude Timor Leste (CNJTL), Leovegildo Hornai liu husi kongreso ba dala III iha Sentru Convensaun Dili, dehan juventude mak pilar importante hodi partisipa iha prosesu dezenvolvimentu nasional iha nasaun demokratiku.
III kongresu ba dala III ne’e hahu durante loron tolu nia laran iha dia 4-6 fulan Junu 2012. Prezidenti CNJTL ne’e hatutan, kongresu ne’e demokratiku no kualidade no bele rezulta estrutura ida ne’ebe koerente ba juventude sira hotu iha nasaun ne’e.
“Hau nia mandatu tinan 5, hau konsidera juventude sira tan ne’e hau konvida Partidus Politikus, Sosiedade Sivil, Igreja hodi bele partisipa kongresu datoluk ida ne’e hodi fo hanoin ba juventude ba prosesu dezenvolvimentu liu-liu iha partisipasaun juventude iha nasaun demokrasia ida ne’e,”Leo komenta.
Abertura ba III kongresu CNJTL ne’e husi Sekertairu Estadu Juventude Desporto (SEJD), Miguel Manetelu. Iha biban ne’e SEJD dehan, juventude mak sai hanesan dalan ba dezenvolvimentu tanba juventude mak airin nasuan nian
“Uluk kolonialista sira kolonia ita nia nasaun, juventude sira hamriik hodi defende ita nia rai ida ne’e to’o ita hetan auto determinasuan”Mantelu konfesa.
Manetelu informa ba juventude sira katak tempu uluk lahanesan tempu agora katak juventude uluk lahanesan juventude agora tanba uluk juventude defende ho rai ne’e no agora juventude tenke ho partisipasaun maximo ba prosesu dezenvovimentu ho trankuilidade no demokrasia.
Marka mos prezensa Presidente da RDTL Taur Matan Ruak hodi hatetet, ba foin sae sira katak, juventude sai hanesan linha transformasaun no kontrolo informasuan sosiedade ida ne’e nian.
Juventude Timor Lorosa’e nakonu ho dejafiu no nakonu ho sofrimentu no sakrifisiu Iha momentu ne’ebe kona ba versaun sira komesa lakon nia forsa nia esperansa joven sira mosu para hodi haburas fila fali.
“Ita haree masakre santa kruz ita haree joven sira hatudu nia nasionalismu ba rai ida ne’e hodi kontra inimigu kuandu momentu sira la’o is makas liu,”Taur komenta
Ida ne’e hatudu katak Juventude sira iha misaun ida no papel ida importante iha dezenvolvimentu sosiedade ba nasaun ida ne’e nian
Discussion about this post