Radio, online – Primeira Dama Timor Leste, Isabel Fereira hateten nia sei fo prioridade ba area edukasaun saude no justisa.
Informa Primeira dama Isabel Fereira ba Jornalista foin lalais ne’e iha Centru Covensaun Dili, wainhira akompanha Presidenti da Republika Taur Matan Ruak lansa livru istoria .
“Hau hakarak haree liu ba area edukasaun, Saude, I hau mos hakarak fo atensaun liu ba area justisa tanba hau nia Background Justisa ,”Isabel akreenta.
Tuir inan oan nain tolu ne’e, populasaun iha Timor Leste maioria moris husi kiak tanba ne’e presiza duni halo buat ida ne’ebe maka bele muda povu ninia moris sai diak liu tan.
“Ita nia populasaun ida ne’e populasaun ida kiak halo nusa maka ita atu hari moris diak ba povu ida ne’e,” Isabel komentaria .
Isabel prontu halao knar nudar Primeira Dama wainhira Presidenti da Republika kria ona kondusaun ba nia.
“Hau kontinua halao hau nia knar iha area ne’ebe hau didika ona, i depois lao ho tempu ita haree katak saida maka Presidenti bele fo kria kondisoes ba hau hanesan Primeira Dama para bele ajuda atu akompanha Presidenti hodi implementa mos nia visaun,”‘ Isabel firmeza.
Discussion about this post