Digicel Konkore Tender Telekomunikasaun Iha TL

Radio, online – Kompanha Digicel hanesan rede telekomunikasaun koinesidu iha mundu, horseik Kuarta, (23/5) lori dokumentus ba iha Ministeiru Infraestrutras Departamentu telekomunikasaun hodi konkore tender ne’ebe governu loke ba publiku.

Reprezentante Digicel, Fundasaun Forsa Armada Libertasaun Nasional Timor Leste (FALINTIL) Agustino Sequeira alias Somoco ne’ebe akompaina entrega dokumentus tender ba Ministeiru Infraesturutura dehan katak, governo fo sai ona liberalizasaun ba publiku tamba ne’e mak Digicel hatam ona dokumentu tender kompete serbisu ho Timor Telekom.

“Digicel involve ami atu fo netik empregu ba Veternarus ne’e mak ami hakarak akompaina sira hodi hatama dokumentus tender iha, para sira bele fo netik serbisu ruma ba ami veteranus,” Somoco esklarese.

Alberico Junior nudar sidadaun dehan, tender ne’e tenki nakloke no transparansia ne’e para bele kompete ne’ebe diak.

‘Ita presiza la bele hamosu kolusaun, tamba ita hare Digicel durante ajuda barak ba prosesu ona ba TL iha iventu desportu. Diak liu Digicel mos hola parte iha rede telekomunikasun iha nasaun ne’e atu sai diak liutan,”Alberico sujere.

Relasiona ho tender telekomunikasaun ne’e ami koko intervista ba ministerio inferstuturta maibe sedauk bele fo infomasaun tamba okupa ho serbisu seluk.

Antes ne’e, akordu governu Timor Leste ho Timor Telecom kompaina telekomunikasaun  husi Portugal remata ona. Durasaun akordu ne’e tama ona ba tinan 15. Ba oin governu TL loke konkorsu ba telekomunikasuan foun iha fulan hirak nia laran antes governu AMP remata nia mandatu.

Ministru Infrastrutura Pedro Lay ba jornalista (29/3) dehan, iha reuniaun ekstraordinairu konselu ministru hodi hakotu kontratu TT iha TL.

Ministru Infrastrutura ne;e mos dehan, iha tempu badak governu sei loke konkursu tendernizasaun ba operador foun. Tuir lista iha operador foun mai atu kompete ho TT mak hanesan Digicel (Irlanda) no Telkomsel husi Indonezia.

“Sei halo selesaun tenderizasaun ne’ebe kulidade liu no operador rua mak sei halo operasaun  iha ne’e atu nune’e labele mosu monopoliu,”Pedro komenta.

Kriteri ba operador foun mak rede operador nian tenki kobre iha Timor laran tomak. Iha tempu badak tendernizasaun ne’e sei fo sai ba publiku atu operador sira seluk mos bele konkore ba tender ne’e.