Radio, online – Iha vizita estadu mai TL, prezidenti Susilo Bambang Yudhyono (SBY) hafoin hasoru malu ho Prezidenti da Republika Jose Ramos Horta nomos Premeiru Ministru Kay Rala Xanana Gusma, SBY ho nia komitiva hakat ba Taman Makam Pahlawan (TMP) Seroja Dili, heroi militar Indonezia nian ne’ebe mate durante halo invazaun iha TL, durante tinan 24 nia laran.
Iha serimonia kari aifunan ne’e SBY hamutuk ho nia espoza Ani Bambang Yudhyono, durante minitu tolu nolu nia laran.
Tuir MoU ne’ebe Indonezia halo ho Estadu TL katak, TMP sira mak iha distritu agora dadaun abandona hela. hanesan iha Distritu Baucau TMP sai tiha hanesan ailaran.
Ho asina MoU ne’e oinsa governu Indonezia ho TL atu foti heroi sira TMP distritu sira mai konsentra hotu iha TMP seroja Dili.
Joven Balu Lori Bandeira Papua Merdeka Hasoru SBY
Iha Prezidenti Indonezia SBY ho ninia komitiva tun iha banadara Internasional Nicolao Lobato, komitiva simu husi Ministru Negosiu Estranjeiru Zacarias Albano da Costa lori ba iha Palacio Prezidenti. Teki-teki iha area Fatuhada nian iha grupo kiik oan ida lori Bandeira Papua Merdeka nian atu tama ba estrada klaran. Maibe la konsege tamba iha polisia nain 3 mak satan netik. Ho ida ne’e kareta VIP ne’ebe halai maka’as derepenti trava hotu too roda lian. Tuir fontes fiar nian ida katak ho trava derepenti ne’e kareta VIP balun soke malu.
Maske iha asidente uitoan ne’e la impedementu SBY nian hodi hakat ba palacio Prezidenti Republika Aitarak laran.
Iha TMP seroja Dili intelejen TL hamutuk ho Indonezia konsege kaptura ema Indonezia nian ne’ebe apoia Papua Merdeka. Sidadaun nain ne’e mai TL uza pasaporte, agora dadaun hamata hela iha sela PNTL, Kaikoli Dili.
Discussion about this post