Radio, online – Prezidenti Indonezia Susilo Bambang Yudhyono (SBY) hasoru malu ho Primeiru Ministru Kay Rala Xanana Gusmao hodi hamatin liutan relasaun ho TL.
“Hau mai vizita TL hanesan Prezidenti ba dala ikus nian iha TL, hau mai hametin liutan relasaun TL ho Indonezia diak liutan iha futuru,”dehan SBY iha nia palestra ba jornalista hafoin hasoru malu ho PM Xanana ho nia kovmitiva, Sabadu, (19/5) iha palacio governu.
Iha asina MoU entre Ministriu Negosiu Estranjeiru TL Zacarias Albano da Costa ho Ministru Negosiu Estranjeitu Indonezia Martyn Natalegawa. Iha asina MoU ne’ebe asiste dereitamente Xefi governu Xanana Gusmao ho Xefi estadu RI, SBY. Area ne’ebe tama iha MoU mak hanesan infrastruktura, ekonomia, juventude desportu no edukasaun.
“Hau mai atu aumetan tan ita nia servisu bilateral ho PM Xanana. Hau fiar katak ho TL nia prezidenti foun, progresu TL sei diak liutan,”SBY espresa.
SBY mos konsiente katak, povu Indonezia mos haka’as an nafatin hodi rezolve rekomendasaun liu husi komisaun relasiona ho probelama ne’e akontese iha tempu uluk. Rezolve ho justu entre povu nasaun rua ne’e.
Iha SBY nia obsevasaun katak, Timor Leste agora dadaun halo mudansa dadaun ona ba objetivu ne’ebe diak litan.
“Hau fiar katak Timor leste ne’ebe lidera husi Xanana no Prezidenti foun Taur Matan Ruak sei lori nasaun ne’e no nia povu ne’e ba oin nafatin,”dehan SBY.
SBY husu ba ninia povu mak iha TL ne’ebe hola parte iha area ekonomia hodi halao knar ho diak. Tenki suporta dezenvolimentu ba povo Timor Leste.
Discussion about this post