Radio, online – Liu husi Porta Voz ekipa susesu Taur Matan Ruak (TMR), Fidelis Magalhaens dehan, Prezidenti eleitu TMR la satisfas ho komisaun organizadora 20 de Maiu hanesan loron restorasaun ba dala X nomos tomada pose Prezidenti tamba konvite ne’ebe hasai menus liu.
Tuir ekipa TMR nia kovite ne’ebe atu despaisa iha 500, maibe ekipa komfirma ba komisaun organizadora Parlamentu Nasional (PN) ne’ebe hasai konvite final iha deit 200.
“Ita nia Prezidenti eleitu la haksolok ho komisaun organizdora hasai konvite la tuir tuir saida mak Prezidenti eleitu nia hakarak,”dehan Fidelis liu husi konferensia da emprensa Kinta, (17/5) iha sede ekipa susesu Taibesi.
Ho konvite ne’ebe mak to’o ba maluk sira mak durante ne’e apoiu TMR nia kandidatu ba Prezidenti, liu husi ekipa susesu TMR husu deskulpa.
Fidelis mos hatutan, tuir planu no programa depois tomada de pose TMR iha tinan ida nia laran sei la halo vizita ba rai liur. TMR sei konsentra tomak nia programa iha rai laran.
“Ita nia Prezidenti eleitu iha tinan ida nia laran sei iha rai laran, sei la vizita ba rai liur. TMR sei buka ema ruma hodi ba rai liur lori TL nia naran,”Fidelis esplika.
Husu konaba strutura ne’ebe atu ba Palacio Prezidensial, Fidelis dehan, mudansa hand over sei halao neneik tuir lei. Hahu iha dia 20 de Maiu prosesu hand over lao to’o dia 30 de Junhu.
“Ita lao tenki tuir lei, atu nune’e ba maluk sira mak uluk servisu ho Prezidenti sesante senti satisfas,”Fidelis komenta hodi taka.
Xefi estadu husi rai liur mak mai partisipa tomada pose Prezidenti eleitu TMR hanesa, Prezidenti Indonezia, Prezidenti Portugal, Xefi governador Australia, Xefi governnador Nova Zelandia no Xefi governador Fiji.
Discussion about this post