Radio, online – Aniversairu restaurasaun ba dala X, 20 de Maiu 2012, Instituisaun Defeza TL, F-FDTL prepara kainaun 6 hodi simu bainaka espesial hanesan Prezidenti Republika Indonezia, Susilo Bambang Yudhoyono no Prezidenti Portugal Cavaco Silva.
Kainaun 6 ne’e sei monta iha Tasi Tolu fatin serimonia ba aniversairu X restorasaun RDTL husi 2002-2012. Wainhira Prezidenti SBY ho Cavaco tun husi aviaun, sei tiru kainaun ba dala hat nolu resin rua (42). Kada Xefi estadu ida sei tiru kainaun 21.
Informasaun ne’e fo sai husi Sekertario Estado Defeza (SED), Julio Tomas Pinto ba jornalista Kuarta, (16/5) iha Centru Convensaun Dili, Kaikoli hodi tuir enkontru parseiru dezenvolvimentu.
SED hatutan, kainaun 6 ne’e, F-FDTL impresta husi Indonezia ne’ebe durante fulan ida nia laran halo negosiasaun.
“Ita la iha kainaun tamba ne’e Primeiru Ministru Kay Rala Xanana Gusmao husu hau atu konsulta Indonesia para bele fasilita kainaun mai ita. Hau hakerek karta ida ba Ministerio Defeza Indoenezia nian antraves Embaisada iha ne’e.
Kainaun 6 haruka husi Indonezia iha loron Domingo kotuk, ho aviaun military Hercules ne’e simu husi Chefe Estadu Maior Falur Rate Laek. Kainaun ne’e agora dadaun sei tau hela iha Eis Quartel Geral F-FDTL iha Tasi tolu.
Discussion about this post