Radio, online – The Sander Thoenes Memorial Fund iha tinan 2012 sei oferes bolu estudus ba estudante komunikasaun sosial iha Universidade Nasional Timor Lorosa’e (UNTL).
Komunikadu ne’e radioliberdadedili.com simu husi Jakarta Foreign Correspondents Club (JFCC) Kinta, (3/5) hanesan loron Liberdade ba media iha mundu tomak. Iha Anunsiu no Aplikasaun ba bolsu estudu 2012 nian. Simu aplikasaun komesa loron 1 fulan Maiu too loron 21 fulan Maiu, 2012
Sander Thoenes Fundu Memoriál: korespendénsia Sander Thoenes Financial Times ninian hetan oho husi militár Indonezia iha fulan Setembru 1999. Fundu ne’e harii nu’udár memoria ida ba nia no ninia objetivu atu fó treinamentu ba jornalista Timór no estudante jurnalizmu.
Projetu dahuluk importante ba ida ne’e atu ajuda jornalista Francez Suni hodi hetan ka remata ninia lisensiatura ka títulu iha area jornalizmu iha Australia. Ema Timór seluk sira moos hetan ka simu fundu ne’e ona inklui sira seluk halo sira nia estudu iha eskola Emisaun Media ka “Broadcast Media” iha Jakarta.
Se mak administra Sander Thoenes nia Fundu Memoriál? Fundu ne’e administra ka maneja husi Jakarta Foreign Correspondents Club (JFCC). Iha parseiru ho Timor-Leste Media Development Centre (TLMDC), JFCC hakarak oferese oportunidade ba ema ka estudante nain 12 hodi halo sira nia estudu iha Departementu Komunikasaun iha Universidade Nacionál Timor Lorosa’e (UNTL).
Se mak hili ka selesiona aplikante sira? Komisaun ezekutivu JFCC nian ne’ebé tau matan ba Sander Thoenes Fundu Memoriál, sei revee ka here aplikasaun no hili aplikante sira.
Bolsu estudu ne’e ninia folin Hira? Ninia folin kada semester hamutuk US $500 inklui osan ba hela fatin no sasan presiza iha eskola. Bolsu estudu ida ne’e sei oferese ba ema nain 12 no sei akontese ba dala ida deit.
Oinsa uza fundu memoriál Sander Thoenes ne’e bele uza? Submisaun ba evidensia katak imi rejistu ona iha post-programa sekundaria nian ba kreditu no hasoru (kompletu) rekejitu sira, bolsu estudu ida ne’e sei fó no uza hodi ajuda hodi finansia ka selu osamentu ba universidade nian (selu diretamente husi JFCC), osamentu, livru, aula no kuadru no despza sira seluk.
Bolseiru sira tenke hatama sira nia resivu despeza nian kada fulan ba iha edifisiu TLMDC, Rua Sebastiao da Costa, Colmera, Dili, Timor-Leste.
Rekejitu espesífiku saida ba candidatu sira? Sira ne’ inklui:
1. Estudante tenke rejistu ba tinan daruak ka datoluk iha Departamentu Komunikasaun iha UNTL.
2. Estudante sira tenke hatama sira nia aplikasaun hamutuk ho CV, valor transkip, ida ne’e hatudu katak sira nia valor average nian tenke 2.5, hakerek esai ida maiz ou menus liafuan 1,000 esplika tamba saida sira hakarak sai jornalista, oinsa ida ne’e ajuda sira para bele dezenvolve Timor-Leste, no oinsa bolsu estudu ida ne’e tau aas sira nia estudu.
Aplikante sira hatama sira nia aplikasaun iha ne’ebé? Estudante sira bele hatama sira nia aplikasaun ba iha edifisiu TLMDC nian iha Rua Sebastiao da Costa, TAIS Market, Colmera, Dili, Timor-Leste. Telefone edifisiu nian: +670 3324475. Aplikasaun sira ne’ebé tarde hatama sira nia aplikasaun sei la simu se liu loron 21 fulan Maiu, 2012.
Discussion about this post