Radio, online- Asosiasaun Jornalista Timor Lorosa’e (AJTL) liu husi loron mundia ba Liberdade da imprensa liliu ba knar jornalizmu ninian, iha okaziaun ne’e AJTL enterga dokumentus ba Prezidenti eleitu Taur Matan Ruak, (TMR).
Loron Liberdade da Imprensa monu iha dia 3-5-2012 ne’e, Prezidenti AJTL Tito Filipe dehan, media asumi knar importante iha nasaun demokrasi hanesan iha Timor Leste. Media halao nia funsaun jornalizmu ne’ebe balansu, kredivel, responsavel no profesional tenke iha mos lei impresa no konselu ba media nian..
Razaun presiza tebes lei imprensa no konselu media nian atu nune’e bele fo protesau ba jornalista no fo protesaun ba diretu fontes ka publiku sira. Tuir Prezidenti AJTL oras ne’e dadaun asosiasaun jornalista sira halo ona esbosu lei imprensa maske seidauk iha finalidade. Ida ne’e falta bo’ot ba sosiedade media iha Timor Leste.
“Ami espera ekipa de servisu ne’e tenke aseleira prosesu elaborasaun no halo konsulta ba publiku atu nune aprezenta ba Parlamentu Nasional hodi hetan aprovasaun final iha Prezidenti eleitu ne’e iha nia knar premeiru,”dehan Tito ho espereransa.
Tito hatutan, liu husi karta ne’e hanesan tatoli lia menon ba Prezedenti eleitu TMR katak, lei imprensa ne’e to’o iha Prezidenti Republica nia liman bele halo analiza klean molok halo promulgasaun. Husu mos ba ba ekipa servisu ne’ebe halo lei impresa ne’e fo prioridade ba elaborasaun no intrepretasaun lei impresa hodi fo rejultadu bele responde nesesidade Timor oan no tenke bazeia ba kultura sosio ekonomia Timor nian.
Asosiasun Jornalista mak hato’o karta rekomendasaun mak hanesan AJTL, TLMDC, CJITL, ARKTL, CRC no FFMTL fo alerta ida ba jornalista sira no mos nain ba media sira atu bele hahu elabora ba Brodcasting Law (undang -undang Pengiaran ) la kleur tan povo TL infrenta tan dezafiu bo’ot iha eelisaun parlamentar.
Dezafiu sira ne’e sai teste bo’ot ba lideransa TL iklui media. Durante ne’e iha jornalista mak hetan presaun la fo liberdade imprensa no liberdade espresaun. Hanesan, durante prosesu kampaina eleitoral iha eleisaun foin lalais ne’e jornalista husi Diario Nasional Antonia Gusmao hetan ameansa husi ekipa susesu balun hodi hadau tiha ekipamentus hanesan tape recorder no ID card jornalista nian. Alende ne’e mos iha tinan kotuk jornalista Joao da silva fotografer Diario Nasional, membru polisia balun baku iha tinan wainhira halao hela knar hodi hasai retratu iha fatin publiku hanesan palacio governu nian oin.
“Ami asosiasaun media iha TL husu ba Prezidenti eleitu atu ajuda media TL hodi halo advokasia ba lisensia media iha Timor no ita bo’ot nia apelu ba estadu no publiku atu repeita liberdade impresa no liberadde epresaun media nian,”Tito akresenta.
Responde ba prekupasaun Asosiasaun media hirak ne’e TMR dehan, Jornalista nia misaun hanesan ho militar. Prontu serbisu 24 oras fo an ba mate. Jornalista barak sakrifika sira nia an tamba deit hakarak fahe informasaun ba mundu no ba sidadaun hotu.
“Ita aproveita fo onra homensajem ba jornalista sira ne’ebe mate. Sakrifisiu difikuldade sira ne’e sei la trava imi nia vontade atu lao ba oin tamba la iha buat ida defisl atu taka imi nia dalan. Mundo presiza hakarak infomasaun klean nomos dezenvolvimentu nasaun iha mundu ne’e nian,”dehan TMR.
Prezensa iha loron mundia imprensa ne’e mak hanesan Prezidenti elteitu TMR no Vice Primeiru Ministru Jose Luis Guterres hodi fo homenajen ba jornalista sira ne’ebe mate. Iha loron ne’e kari ai funan iha tasi ibun Palacio do guverno nian oin. Timor Leste komemora loron liberdade imprensa ho topiko “Liberdade Impresa Ajuda Trasforma ba Sosiedade.
Discussion about this post