Radio, online – Sekretáriu Jerál Organizasaun Nasoens Unidas (ONU) nian, Ban Ki Moon hato’o nia kongratulasaun no fo parabens ba povu Timor Leste ne’ebe halao duni festa demokrasia hodi nia Prezidenti Republika la ho violensia no povu tomak simu rezultadu eleisaun.
Kandidatu Independente, Taur Matan Ruak (TMR) liu husi ninia ekipa Vitoria, hato’o nia apresiasaun ba Francisco Guterres Lu-Olo, nu’udar kandidatu ida ne’ebé mos forte iha kompetisaun ba kargu Prezidente Repúblika nian.
Ban Ki Moon liu husi komunikadu radioliberdadedili.com simu liu husi via email Kurta, (18/04), hateten, povu Timor-Leste hala’o sira nia direitu atu vota iha dame no orden nia laran,no ida ne’e hatudu dala ida tan sira nia kompromisu ba estabilidade, demokrasia no unidade nasionál. Ne’eduni, dala ida tan Nasoens Unidas mantein kompromisu nafatin hodi apoia eleisaun parlamentár iha Jullú ohin mai.
Nune’e mos portavoz Kapres Taur Matan Ruak(TMR), Fidelis Magalhaens dehan, eleisaun II ronda nee’e lao ho diak tebes, tanba povu hatudu nia maturidade polítika ne’ebé matenek tebes.
“Bainhira ami rona mos katak Nasoens Unidas sira ho mos organizasaun sira seluk mos kongratula ita nia nasaun ba iha instituisaun eleitorál sira nia servisu ba iha eleisaun ida ne’,” dehan Fidelis.
Fidelis preokupasaun ba oin oinsa mak bele hametin liu tan lejitimidade instituisaun estadu sira nian, hanesan CNE no oinsa atu bele halo ida ne’e.
“Ne’eduni husi ami atu hatudu ami nia konfiansa, ami nia kooperasaunho instituisaun sira ne’e,” nia haktuir.
Discussion about this post