Radio, online – Sosiedade Sivi iha area justisa, Judicial System Monitoring Programme (JSMP) iha Sesta, (30/3) lansa relatoriu substantive rua konaba observasaun ba setor justisa no pratika lejislativu iha Parlamentu Nasional durante tinan 2011.
Diretor Ezekitivu JSMP, Luis de Oliveira Sampaio haktuir iha lansamentu ne’e dehan, lansamentu relatoriu ne’e hanesan kustume no pratika ida ne’ebe normal ba JSMP. Kkada tinan –tinan kontinua ofrese ba publiku, referensia konaba setor justisa no legislativu nia atizimentu no dezafiu sira.
Tuir Luis, JSMP konvensidu katak setor justisa no pratika legislativu ne’ebe diak no forte sei lori implikasaun signifikativu ba dinamika dezemvolvimentu nasional.
Iha rua ne’e, ida konaba observasaun jeral ba setor justisa iha Timor-Leste tinan 2011. Analiza setor justisa no relatoriu ida seluk deskuti konaba aktividade legislativu iha PN durante tinan 2011 ne’ebe produz ho titlu “Harii hamutuk sistema demokrasia ne’ebe forte iha future”.
“Relatoriu rua ne’e intersante no produtivu teb-tebes tanba deskobre faktu relevantes sira husi setor ida-idak no fornese deskripsaun faktu sira .Aleinde ne’e iha kada relatoriu sei diskuti no analiza dezafiu hirak ne’e no sublina rekomendasaun konkreta ba kada kestaun ne’ebe setor rua ne’e infrenta atu mellora iha futuru,”Luis akresenta.
Diretor JSMP, haktuir liu tan katak objetivu ba relatoriu ne’e atu rekomenda rekomendasaun pratiku no enkoraza atu mellora servisu setor justisa ninian iha futuru no iha parlamentu ninia JSMP mos deskobre dezafiu sira ne’ebe eziste iha limitasaun konaba prosesu sosializasaun ou konsultasaun ne’ebe la adekuada.
Maske JSMP hatene mandatu ba Parlamentu Nasional ninian iha tinan ida ne’e remata ona, maibe relatoriu JSMP rekomenda ba futuru ou ba Deputadu foun sira ne’ebe mak mai iha periudu legislativu terseiru ninian bele konsedera no mellora servisu Parlamentu Nasional ninia iha futuru.
Discussion about this post