Radio, online – Ministra Justisa Lucia Lobato konsedera lia fuan hasai husi Sekertairu Estadu Konselhu Ministru Agio Pereira hanesan bosok ten, tamba to’o agora Ministra Justisa seidauk hakerek karta rezignasaun hato’o ba Primeiru Ministru Kay Rala Xanana Gusmao, relasiona ho akuzasaun husi Ministeiru Publiku konaba alegasun korupsaun.
“Hau hateten ba publiku katak nunka pedidu rezignasaun husi hau, see mak fabrika informasaun ne’e ita bo’ot sira ba husu, atu fo kopia surat ba ita bo’ot sira atu bele halokan polemika ne’e iha publiku hau pronto hatan iha tribunal dia 23 de Maiu,”dehan Ministra Justisa liu husi konferensia da empersa Kuarta, (28/3), iha nia knar fatin.
Ministra Lucia lamenta mos iha publikasaun iha media katak, Sekretario Agio Pereira fo sai dehan Ministra Justisa haruka karta rezigna-an husi nia kargu no karta ne’e haruka ona ba Prezidenti da Republika. Ne’e lia mesak bosok ten. Tamba ne’e Ministra Lucia husu labele kria kondisaun atu obriga Ministra Justisa atu rezigna-an husi nia kargo .
Iha okaziaun ne’e Ministra Justisa agradese ba Primeiru Ministru Xanana Gusmao tamba desde inisiu hetan presaun husi liur atu hasai Ministra Justisa, maibe PM Xanana dehan so tribunal mak bele foti desizaun.
“Hau agradese ba Primeru Ministru Xanana tamba desde inisiu hetan presaun husi liur atu hasai hau, husi hau nia fatin maibe Primeru Minitru dehan so tribunal mak foti desizaun. Ne’ebe balun halo aproveitamentu politika ou balun la gosta hau nia serbisu karaik. Hau husu para lalika intrope hau, tamba tribunal mak foti desizaun hau sala ou lae. Agora dadaun hau servisu hanesan bain bain,”dehan Ministra Justisa komenta.
Iha oporutnidade ne’e Ministra Justisa ho laran ksolok ba PN ne’ebe hasai ninia imunidade hodi ba hatan iha Tribunal dia 23 de Maiu tinan ne’e.
“Iha ema barak akuza husi tinan 2008 to’o ohin loron katak halo korupsaun, abuzu de poder no Adminitrasaun donaza. Hau prontu ko’opera ho justisa atu buka lia los. Hau hein iha julgamentu ne’e nakloke ba publiku,” Lucia esklarese.
Ministra husi PSD ne’e husu atu prosesu konaba akuzasaun husi Ministeiru Publiku ne’e atu utiliza fali ba politiku, tamba agora dadaun iha faze eleisaun.
Discussion about this post