Radio,Online – Liu husi relatoriu, sosiedade sivil Fundasaun Mahein (FM) durante iha kampaina eleisaun prezidensial antes votasaun akontese pratika money politic sei buras iha nasaun ne’e.
Tamba ne’e FM kestiaona konaba prosedementu legais husi Sekretariu Tekniku Administrasaun Eleitoral (STAE) ne’ebe konsidera viola prinsipiu sufrajiu universal ka direitu hili ne’ebe universal.
“Ami konsedera money politic ne’e sei hafraku prosesu demokrasia no sei hamate prinsipiu demokrasia iha ambitu liberdade no imparsialidade, inklui mos sei hafo’er imajem poder politiku husi povu iha estadu direitu demokratiku,”dehan Peskizador FM Joao Almeida liu husi konfrensia da imprensa Kuarta, (28/3).
FM mos konsedera katak money politic mosu maka’as tamba konsekuensia husi lei eleitoral nian ne’ebe dehan kolia eleitoral sira obrigatoriu vota iha fatin ne’ebe sira nian kartaun eleitoral rejistu ba.
FM mos sita konaba sidadaun barak mak ladun partisipa iha elisaun prezidensial hamutuk (21.80 %) husi total eleitor 626.503 la partisipa iha elisaun presidensial preimeiru volta.
Ba solusaun iha eleisaun II ronda no eleisaun tuir mai atu lao diak FM rekomenda ba CNE presiza halo investigasaun profundu ba pratika money politic ne’ebe komete husi partidu politiku iha prosesu eleitoral.
Rekomenda mos ba governu presiza tetu opsaun partisipasaun sidadaun nian entre alterasaun lei eleisaun Prezidenti Republika artigu 40 no apoiu trasporte ba sidadaun sira ba iha nia suku atu tuir vota. Husu ba ba govenu tenki anula tiha artigu 40 lei eleitoral.
No ikus liu FM husu ba governu presiza halo lei ne’ebe fo forte ba CNE no STAE atu halo sansaun penal.
Discussion about this post