Radio, online – Prezidenti Comisun Nasional Eleisoens (CNE) Faustino Cardoso liu husi konferensia da emprensa iha Domingu, (18/3) dehan hateten, iha loron ne’e CNE simu urna apurameto husi distrital husi Aileu, Dili, no Manatuto no iha tuku 16:25 otl CNE simu tan kaisa urna husi Distritu Ermera urna hamutuk rua. Iha urna ida konaba akta reklamasaun.
Prezidenti CNE ne’e hatutan, hahu Domingu (18/3) to’o Segunda (19/3) bele espera apuramentu distrital bele mai hotu iha Nasional.
“Konaba prosesu apurametu nasional sei hein urna mai hotu iha armazen CNE Dili mak foin halo kontazen no akompanha urna ne’e husi PNTL no STAE ,”Faustino esplika.
Konaba situasaun Faustino dehan, situasaun eleisaun prezidensial iha distritu 13 lao diak tamba votante sira vota ho livre, fiskais no votante sira barak mak akompnha prosesu votasaun tuir prinsipiu lei no regulamento.
“Problema kilimatika udan halo dalan hodi asesu ba sentru vota saun la diak, material sensitivu la tuir orario, no ahi mate durante prosesu kontazen iha sentru votasaun Bebonuk Dili, iha Covalima ahi la iha nune’e difikulta prosesu kontazen. Maibe kestaun hirak ne’e bele rezolve tamba hetan kooperasaun diak,”Faustino konfesa.
Discussion about this post