Radio, online – Kandidatu Prezidenti (Kaprez) Jose Ramos Horta husu ba povu tomak hamrik no servisu hamutuk ho Prezidenti da Republika ne’ebe mak povu fia fiar liu husi eleisaun ne’e.
“Karik hau la manan iha eleisaun ne’e signifika hau manan nafatin hodi hamutuk ho povu iha Prezidenti foun nia kotuk hodi lori nasaun ho atende povu nia moris iha futuru,”dehan Horta depois vota iha eskola primaria Metiaut, Sabadu, (17/3).
Kaprez Horta prezensa iha fatin votasaun iha tuku 11:45 otl, depois kaprez Taur Matan Rauk ba vota iha oras rua liu ba.
Ba jornalista sira Horta la kontenti ho sistema eleisaun ne’ebe halo povu kiak sira ba vota iha nia geografia reseseamentu eleitoral. Tuir Horta ne’e hanesan halo lei eleitoral hodi hanehan povu kiak sira.
“See mak halo lei eleitoral ne’e ulun laiha karik. Ita halo lei tenki buka fasilita ema nia partisipasaun,’dehan Horta ho hirus.
Horta mos dehan, see povu fo fiar hodi re-eleitu ba Prezidenti ne’e, Horta nafatin simu krus todan hanesan nia simu iha 2007.
Horta mos see povu hili husi sira nain 4 ne’e mak ba prezidenti hanesan Taur Matan Ruak, Lu-Olo, La Sama no Jose Luis Guterres. Tamba sira nian hat ne’e ida bele sai prezidenti ida diak, husu povu hamrik sira nia kotuk hodi fo apoiu.
“Hau husu ba prezidenti foun atu halo buat hotuhotu atu ita la bele monu fali ba krizi 2006. Ne’e mak labele atu mosu tan,”dehan Horta.
Atu taka Horta afirma tan, rezultadu sei mosu mai nia kontenti nafatin. Horta mos dehan nia la hanoin atu manan iha eleisaun.
Discussion about this post