Radio, online – Hare ba kondisaun ekonomia rai laran sei fraku nomos kampo servisu susar tebes ba foin sae sira, governu liu husi Sekretaria de Estado da Formasaun Profesional e Emprego (SEFOPE) kontinua haruka tan timor oan ba Korea do Sul, iha periodu ne’e Timor oan nain 87 ba ba tan.
Sira nain 55 ne’e aranka tuir etapa 2. Etape premeiru 55 no etape sungundu ema nain 32. Ita nia maluk sira ne’e sei ba servisu iha area hanesan peskas, fabrika no agrikultura,”dehan Diretor Geral Empregu Paulo Alves Director Geral Emprego iha SEFOPE (12/3), liu husi serimonia despedida ne’e.
Sekertairu Estado, Bendito Freitas iha nia palestra husu ba trablhadores sira nudar sidadaun Timor oan ba servisu iha ema nia rai tenke iha responsabilidade, konsensia no iha dever atu servisu diak hatudu katak hanesan trablhadores Timor oan sira iha desiplina durante halo servisu .
Bendito afirma liu tan, durante ne’e SEFOPE halo ona avaliasaun ba trablhadores Timor oan sira ne’ebe servisu iha Korea do Sul, liu husi avaliasaun ne’e hetan rezultadu ne’ebe diak tebtebes tamba trablhadores balun bele loke kios ho hadia ekonomia uma laran no seluk-seluk tan.
Total trablhadores ne’ebe servisu iha Korea do Sul hahu 2009-2012 hamutuk 785(Atus Hitu walu nulu resin lima) servisu iha area tolu mak hanesan pescas,fabrika no agrikultura.
Discussion about this post