Radio, online – Maske liu husi deklarasaun politika partido CNRT fo apoiu ba Kandidatu Prezidenti (Kaprez) Independente Taur Matan Ruak, maibe Vice Prezidenti CNRT Mauhunu mosu iha kampaina husi partido PD Fernando La Sama de Araujo iha Distritu Dili, Tasi tolu foin lalais ne’e.
Kaprez La Sama kontenti ho prezensa veteranus Mauhunu ne’e hatudu katak, veteranus sira mos fo apoiu ba La Sama hodi sai prezidenti ba pariodu 2012-2017.
Ba jornalista Kaprez La Sama hateten katak. “Hau haksolok tebes, hori bai ruak maun Xanana mosu iha Maun Taur nia kampaina ohin lorn maun Mauhunu mai iha hau nia kampaina. Hau agredese tebes, hau hanoin maun sira hare buat ne’e los, maun Xanana hili Taur sai Prezidenti, maun Mauhunu hili La Sama atu sai Prezidenti,”.
Kaprez ho numeru sorteiu 13 hatutan, iha Sabadu,(17-Marsu-2012) husik ba povo mak hili tuir sira nia liberdade no sira nia koinese ema ne’ebe merese atu sai Prezidenti ba povu ho nasaun ne’e.
Prezensa Mauhunu tuir La Sama katak, veteranus sira hare katak sira nia alin La Sama ne’e mos nia alin diak ida.
Iha fatin hanesan maske rai udan, pioneiru kampaina Mariano Assanami doko tebes militantes no simpatizantes sira hodi dehan katak, maun Mauhunu hamutuk ho nia alin La Sama ne’e hatudu katak veteranus mos iha La Sama nia kotuk no ema hotu hotu iha La Sama nia kotuk.
Assanami hatutan, liu husi konferensia PD oferese La Sama ba kandidatura Povo Timor Leste tomak. Ba kiak ka riku, ba feto-mane, katus-ferik, ba veteranus laos veternasnu ba Sira ne’be la iha Partido hanesan F-FDTl no PNTL, no funsionario Publiku.
“La Sama kandidata ba povu akrikultura sira, povu aileba no ba povu Tomak,” Assanami esplika.
Discussion about this post