Radio, online – Rede Feto ho ninia membrus organizasaun feto hamutuk 24 hato’o parabens ba feto maluk hotu iha Timor Leste no mos feto maluk iha mundu ne’ebe ohin selebra loron feto internasional.
Lia hirak ne’e fo sai husi Prezidente Board Rede Feto Ivete de Oliveira iha edifisiu CAUCUS Mascarenhas, Balide , Kinta (8/3).
Ivete dehan, Rede Feto ho ninia membrus organizasaun CAUCUS prepara ona aifunan hanesan simbolu domin no paz hodi fahe ba ema hotu ho esperansa ema hotu kontinua lori domin no paz ba iha ididak nia nia familia, kolega, vizinho no soseidade hodi haburas unidade.
Liu husi biban ne’e Rede Feto ho ninia membrus halao fo mensagem ba publiku iha eleisaun hodi dehan, tinan 2012 tinan ida ne’ebe importante tanba TL sei halao eleisaun presidensial no legislative, tamba ne’e eventu rua ne’e importante tebes ba moris nasaun nian no sei sai sasukat fundamental ida kona ba dezenvolvimentu demokrasia iha TL.
Iha tinan 12 ona nasaun TL hatudu ba mundu tomak katak TL nasaun demokratiku, nakunu ho paz no dame respeita direitu fundamental ema ida-idak nian atu moris livre, la iha violensia no diskriminasaun .
Ivete afirma katak, igualdade direitu no dever entre feto no mane sai hanesan prinsipiu fundamental ba prosesu konstrusaun nasaun no dezenvolvimentu demokrasia ne’e klaremente estipulada iha konstituisaun RDTL, no sei sai hanesan asuntu importante nasaun TL.
Hanesan nasaun soberanu ida TL oras ne’e hatudu ona progresiu signifikativu kona ba partisipasaun feto nian iha vida politika .Quotu ba feto iha eleisaun lideransa komunitaria ,hatu’ur fundamentu diak ida kona ba asegura representasaun no partisipasaun feto iha moris politika nasaun nian. Maski nune’e kestaun siguransa no estabilidade nasional sei kontinua hanesan dezafiu bo’ot ida ba sidadaun TL tomak ,liliu feto no labarik hodi garante partisipasaun maksimu sidadaun hotu iha prosesu kampainya iha prosesu eleisaun no rezultado eleisaun.
Rede Feto rekonhese obstaklu hirak ne’ebe iha sei preokupasaun nasaun TL no hare importansia atu kontinua halo esforsu oinsa atu asegura diak liu tan feto nia partisipasaun no reprezentasaun iha moris nasaun nian tamba ne’e Rede Feto ejiji nafatin ba komponente PNTL , F-FDTL seguransa sivil atu halao lei no ordem tuir kompetensia instituisaun ida hodi garante seguransa no estabilidade nasional.
Rede Feto apela ba povo TL tomak festa demkorasia ne’e ita hotu nian mai ita partisipa fo ho ita nia votus ho konsensia hodi hili lideransa ne’ebe maka ita fiar ba ukun nasaun ida ne’e ba alin jovensia atu sai ezemplu figura ba paz dame no estabilidade no mos sai protetor ba ita nian inan feto no nasaun murak TL.
Iha seremonia loron Internasional feto partisipa husi Director nasional politika Dezenvolvimentu Generu, Armindo da Costa hateten, prosesu dezenvolvimentu feto komesa neneik maibe komesa lao dadauk ona ba oin ho sira nia konstribuisaun iha area oi-oin komesa neneik dezenvolve ba oin . “
Hau hato’o hau nia parabens ba inan feton sira ne’ebe oin loron selebra loron feto,”dehan Armando.
Discussion about this post