Radio, online – Tuku 11:40 loron manas tebes iha Jardim das Herois Metinaru, Kinta, (8/3) sai loron istoria bo’ot ba povu TL tamba iha loron ikus nian Proklamador RDTL Francisco Xavier do Amaral nia isin mate hodi hakoi. Antes ne’e mate isin lori ba jardim da heroi, mate isin Avo Xavi sei halao misa iha katedral.
Antes avo Xavi husik nia vida, liu husi Ministeiru Solidariedade Sosial (MSS) Depertamentu asuntus antigo dos Combantentes libertasaun nasional prepera Proklamador nian rate durante fulan 3. Rai koan atu hatoba Avo Xavi ho nia medidas 6X6 m. Rate laran fui tomak ho azuleju.
Serimonia vurneral ne’e halo transmisaun dereita husi kanal Televisaun Timor Leste (TVTL) no Tadio Timor Leste (RTL). Kuaze povu TL tomak asisti halo’ot mate isin Primeiru Prezidenti RDTL ne’e. maske halo transmisaun dereita, maibe povu kuaze iha Dili akompaina mate isin hodi ba halo’ot. Iha loron hakoi aman proklamador RDTL ne’e estadu fo feriadu nasional.
Sekertariu Estado asuntus antigo dos Combantentes libertasaun nasional Mario Nicolao dos Reis dehan, tuir lei estadu liu husi governu tenki fo atensaun ba lideransa nasaun nian vida tomak depois fila ba Aman Maromak. Bazeia ba ne’e durante Proklamador apaina moras estadu iha planu no prepara ona fatin no ke’e rai kaok no monta asessoris ba herois ne’e.
“Ami prepara fatin no ke’e rai koak hanesan rate ne’e durante fulan 3. Avo Xavi nia kaisaun mos antes ne’e preparadu tiha nanis ona,”dehan alin husi Vicenti Reis ne’e.
Vigariu Geral Diosece Dili Apolinariu Guterres fo bensa ba rai kaok ne’ebe prepara atu halo’ot Proklamador RDTL ne’e.
Vigariu ne’e dehan, Nai haraik bensa rai koak ne’e, tau anjo ida hodi hein nian. Nai Aman Maromak hamos sala hotuhptu husi nia hodi nia deskansa ho paz ba moris hamutuk ho Nai.
Avo Xavi nia mate isin hatama iha rai koak husi forsa F-FDTL, Antes atu hakama ba rai kaok Forsa Soldadu F-FDTL nain halo Salvus de tirus husi fosa nain 10.
Lideransa mak partisipa direita halo’ot mate isin Proklamador hahu no tau aifunan Prezidenti da Republika Jose Ramos Horta, Prezidenti Parlamentu Nasional Fernando La Sama de Araujo, Primeiru Ministru Kay Rala Xanana Gusmao, Prezidenti Tribunal Claudio Ximenes, Reprezentante espesail ONU nian iha TL ho misaun UNMIT Amerah Haaq, Prezidenti FRETILIN Francisco Guterres ‘Lu-Olo, Sekjer FRETILIN Mari Alkatiri, Brigadeiru General Lere Anan Timor, reprezentante Veteranus Mauhuu, Komisariu PNTL Longuinhos Monmteiru, membru governu no membru PN partisispa mos korpu Diplomatiku iha TL.
“Aman Proklamador o nia isin lakon husi ami povu Timor Leste tomak nia oin, maibe o nia lembransa ami hakerek ho osan mean no sei la lakon iha nasaun doben TL,”. Adeus!!!.
Discussion about this post