Radio’ online – Wainhira atu hakotu is, Liu husi Vice Ministra Madalena Hanjam Proklamdor RDTL Francisco Xavier do Amaral ‘Avo Xavi’ husu lider sira mak ukun nain sira iha nasaun ne’e tenki hamaran povu nia matan ben.
Mensajem ikus husi Avo Xavi dehan husi Prezidenti Parlamentu Nasional Fernando La Sama de Araujo iha serimonia solene hodi fo ona ba primeiru Prezidenti RDTL iha uma fukun PN, Kurta, (7/3).
Antes La Sama atu hato’o palestra lius husi Bankada partido politiku iha PN hato’o sira nia sentiment kondolensia ba Proklamador RDTL ne’e. Xefi Bankada UNDERTIM, Faustino dos Santos ‘Renan Selak’ husu ba Avo Xavi ba reinu Lalehan hamutuk ho saudozo Nicolau no Sahe no sira seluk hodi bele tau matan nafatin ba povo no jerasaun nasaun ne’e nian hodi lori nasuan ne’e ba oin.
Nune’e mos husu ba saudozu sira atu tau domin mai iha povun ida ne’e atu hadomi malu, sai povu ida deit. “Avo Xavi terus barak iha ailaran, iha tempo independensia fahe nia esperensia midar hodi valoriza demokrasia Avo Xavi ema ida nebe hadomi Timor Leste , no ho laran tomak buka lori Timor Leste ba dalan diak,”Renan akresenta.
Xefi Bankada PUN, Fernanda Borges dehan Avo Xavi nudar belun diak nomos aman ba nasaun ne’e nian. Povu tomak lakon ona ninia ema nasionalizmu no proklamador.
Liu husi bankada ASDT, Domingos da Costa hateten katak ami ASDT no Militantes iha Timor laran tomak laran triste hato’a ami nia kondelesia ne’ebe lakon ami nia aman no mestri bo’ot. Avo Xavi ema ida laran luak no laran diak ba povo Timor leste laran tomak,”.
“Ami ASDT ami la iha osan mena no mutin atu fo Avo xavi, maibe ami reza ba Aman Marromak atu Avo Xavi nia klmar sei tuir iha Aman Maromak nia kaduanan santo,”dehan Domingos ho neon nakraik.
Tuir ASDT Avo Xavi mos terus hanesan Jesus tamba nia simu kaben tasak, simu besi mean simu tuku tebe no simu buat barak terus tamba povu Timor. Ami lakon ema diak ida iha ami nia Partido .
Bankada FRETILIN, Aniceto Guterres kosedera ema hanesan Avo Xavi maske lai iha ona ho ita maibe nia naran ho nia hahalok sei metin nafatin ho ita hodi ita halo tuir. “Ami husi FRITILIN hato’o kondolensai ba militantes ASDT iha tempo difisil ida ne’e liu liu ba Avo Xavi nia vida lakon duni iha mundu ne’e,”dehan Aniceto.
Liu husi Partido sira hotu iha PN ho laran ida deit husu ba ba povo Timor laran tomak atu lalika halu istoria Avo Xavi nian. Depois serimonia solene iha PN, mate isin Avo Xavi lori ba Palacio Prezidenti da Republika iha Aitarak laran hodi loke ba povu tomak atu fo kodolensia ikus liu. Ohin Kinta, (8/3) iha tuku 7:00 otl halo misa iha Igreija Katedral.
Avo Xavi hakotu is iha Hospital Nasional Guido Valadares (HNGV) Tersa, (6/3) tuku 8:45 otl. Avo Xaxi mate tamba sofre moras kankru.
Discussion about this post