Radio, online – Relasiona ho komemorasaun loron saudozu Nino Conis Santana nia mate ne’ebe sei realiza dia 11 de Marsu 2012, Assosiasaun Estudante Universitariu Distritu Ermera (ASSER) no Movimentu Estudante Universitariu Juventude Distritu Lautem (MEUJ-DL), iha hanoin hodi komemora ba loron importante ne’e ho familia saudozu nian.
“Ita tenki hatudu sentidi de onra bo’ot ba martir libertasaun nasional ne’ebe mak fo sira nia vida tomak ba rai TL ne’ebe agora dadaun ita hotu goza ne’ebe liu husi prosesu naruk,”dehan Xefi komisaun organizadora Mario Soares.
Tuir Mario, ASSER ho MEUJ-DL hola inisativa ne’e tamba hodi relembra ba joven no estudante tomak atu hanoin ba saudozu nia kontribuisaun ba nasaun ne’e sai hanesan ezemplar ba futuru hodi dezenvolve diak liutan pais ne’e.
Tuir orariu iha loron Sabadu dia 10 de Marsu sei ba hader iha rate Conis nia nian, iha loron Domingu sei ba misa no iha lorokraik sei kari aifunan.
Discussion about this post