Radio, online – Partido Congresu Nacional Rekontruksaun Timorenses (CNRT) ofisial halo deklarsaun ba publiku hodi fo apoiu tomak ba Kandidatu Prezidenti (Kaprez) Taur Matan Ruak (TMR) atu sai Prezidenti da Republika periodu 2012-2017 liu husi eleisaun iha fulan Marsu nia laran.
Sekertairu Geral CNRT, Deonisio Babo liu husi konferesia da emprensa (Sesta, 24/2) iha sede CNRT Bairo dos Grilhos.
Sekger dehan katak, desizaun ne’e aprovadu ona husi rezultadu reuniaun Comisaun Politika Nasional (CPN) hodi deklara ba publiku katak, partido CNRT fo apoiu total ba Kaprez TMR atu sai prezidenti liu husi dalan demokrasia, eleisaun.
“Ami atu foti desizaun ne’e, ami halo estudu modalidade ba Kaprez nain 13 ne’e, no fim ami hotu foti desizaun hodi hili TMR mak ami nia apiu politikamente,”dehan Sekger CNRT ne’e.
Deonisio hatutan, desizaun husi CPN ne’e hare ba TMR hanesan ema lider resistensia ne’ebe terus no susar hamutuk ho Prezidenti CNRT, Kay Rala Xanana Gusmao.
Iha biban ne’e Deonisio lori Prezidenti CNRT, Kay Rala Xanana Gusmao nia naran husu ba militantes no simpatizantes CNRT hotu atu fo apoiu ba TMR, liu husi iha dia 17 de Marsu mai vota ba TMR hodi sai Prezidenti iha tinan lima oin mai.
Responde ba responvsavel CNRT Distritu Dili nian ne’ebe antes ne’e deklara ba publiku fo apoiu ba Kaprez Fernando La Sama de Araujo, Deonisio dehan ema sira ne’ebe mak koalia lori partido CNRT nia naran apiou ba La Sama ne’e la lori partido nia desizaun. Maibe CNRT sei la bandu militantes no simpatizantes atu fo apoiu ba kandidatu sira seluk. Apoiu tenki lori individual la bele lori CNRT nia naran.
Liu hosi aniversairu Kaprez La Sama ba dala 49, iha dia 26 de Fevereiru, La Sama hateten, “Hau sei hato’o hau nia pozisaun hodi promove kandidatu ruma wainhira hau la tama iha segundu ronde iha eleisaun mai ne’e,”dehan La Sama.
Discussion about this post