Radio, online – Sosiedade sivil nasional Farming Study Group (FSG) ne’ebe fo atensaun liu ba moris agrikultura nian husu ba Prezidenti Republika foun periodu 2012-2017 tenki fo atensau maximu liuba povu maioria ne’ebe moris agrikultores.
Responsavel geral FSG Remigio Laka Vieira informa kestaun ne’e ba radioliberdade.com iha redasaun foin lalais ne’e.
Responsavel FSG ne’e dehan, husi kandidatu prezidenti 13 ne’e sei deit mak manan signifika Timor oan mak manan, ne’e duni FSG husu atensaun liu ba Prezidenti foun ne’e tenki tau programa liu ba povu maioria moris iha agrikultura.
FSG ne’ebe establese iha d 2004 identifika nafatin problema agrikultores sei iha obstaklu bo’ot ba nasaun RDTL. Tamba povu iha 85% moris hanesan vida agrikultores no depende ba aihan rasik.
“Prioridade nasional ba dezenvolvimentu nasaun ida ne’e mak presiza hadia prioridadde povu to’os nain sira ne’ebe durante ne’e hetan problemas barak.,”dehan Remigio.
Remigio foti agrikultura sai importante ho razaun, agrikultores mak save ba dezenvolvimentu nasional.
Discussion about this post