Radio, online – Komisaun Anti Korupsaun (KAK) investiga Ministru Ekonomia Dezenvolvimentu Joao Goncalves konaba projetu rehabilitasaun uma Trade Invesment ne’ebe deskonfia mosu iregularidade iha prosesu atribuisaun.
Kazu ne’e Inspektur Geral halo investigasaun iha 2010, agora kazu ne’e hato’o ona ba KAK ho investiga klean liutan hodi foti medidad tuir lei.
Ministru MED hetan investiga durante oras rua nia laran, hahu oras 14:00 to’o 16:20 lokraik.
Tuir Joao Goncalves, liu husi kazu ne’e investiga husi Inspektur Geral lalos tamba, hahu investigasaun nunka halo konsultasaun ba parte governu liliu ba Ministeiru Ekonomia Dezenvolvimentu.
“Hau foti desizaun iha momentu neba tamba fatores barbarak. Hau la konkorda desizaun husi Inapektur Geral ne’ebe dehan iregularidade,”Ministru Joao lamenta, hafoin tuir investiga husi KAK Kinta, (16/), Farol, Dili.
Orsamentu ba kompanha atu rehabilita ba uma Trade invesment ne’e ho total USD 500 mill (Kinentus mill), ne’ebe aloka husi orsamentu ratifikativu 2010. Bazeia ba opiniaun husi konsultor no arbitor.
“Buat barak mak hau tetu, hau husu ba kompanha rua ne’e atu joint (hamutuk) ne’ebe sira mos konkorda,”Joao esplika.
Ministru husi PSD ne’e senti la ameasadu ho kazu ne’e, tuir nia lolos kazu ne’e mai to’o iha KAK, maibe investigsaun husi Inspektur Geral la tuir regra.
Jornalista tenta halo intervista ho Komisairu KAK maibe, iha fungsionairu KAK nian dehan Komisairu okupadu los.
Antes ne’e iha membru governu mak KAK bolu halo inverstigsaun, tamba mosu abuzu poder, kolusaun no korupsaun.
Discussion about this post