Radio, online – Konferensia loron tolu hahu 16 ate 18 fulan Febreiru 2012 Kona Ba Servisu Area Sosial Hafoin Tinan 10 Ukun Rasik An. Konferensia ne’e realiza husi Ministeriu Solidaridade Sosial (MSS), iha salaun sentru konvensaun Dili, Kinta, (16/2).
Konferensia ne’e ho objetivu koalia konaba servisu sosial hotu kedas, transferensia dineiru, liu husi programa bolsa da mae, edozus ho infalidez no sei hare ba distribusaun aihan nian.
Liu MSS halao knar ba tinan 10 kada Diretor ho Xefi Departamentu sei aprezenta susesu no obstaklu durante atende sosial ba komunidade hotu. Nune’e sei iha peritu atu avalia servisu durante ne’e iha sustentabilidade katak ba oin ne’e oinsa. Iha avalisaun mos ba moris wainhira estadu selu osan fo ba bolsa da mae idoiozus no veteranus.
Ministra Solidaridade Sosial, Maria Domingas Fernandes Alves liu husi konferesnia ne’e sei kolia liu konaba oinsa mak governu Timor-Leste liu husi MSS hatan ba situasaun krizi ho emerjensia liliu konaba IDPs, no dezastre naturais. Area rua ne’e atu halo avaliasaun no sei halo mos lansamentu ba relatoriu indepedente.
Maria Domingas afirma liu tan katak Konfrensia durante loron tolu ne’e hotu MSS sei hakerek livru, hanesan memoria instutisional.
“Ami nia responsavel bo’ot iha governu ne’e mak lori fali refujiadu fila fali ba ididak nia hela fatin no atende sosial ba ema hotu,”Ministra MSS ne’e akresenta.
Konfrensia ne’e hetan partisipa husi Primeiru Ministru Kay Rala Xanana Gusmao, Reprezentante husi Portugal, ONU, no sosiedade sivil internasional no nasional.
Discussion about this post