Radio, online – Assosiasaun HAK ofisialmente lansa relatoriu direitus humanus 2011 ho tema “Hametin Dezenvolvimentu ho Sintidu Ispiritu Estadu De Direitu Demokratiku”.
Serimonia lansamentu ne’e halao iha edifisiu HAK Farol Kinta(9/2).
Diretor ezekutivu, Rogerio Vicente Viegas hateteten, objetivu husi lansamentu relatoriu ne’e mak atu analiza kona ba resultadu observasaun nomos monitorizasaun husi assosiasaun HAK halao husi periodu tinan 2011. Relatoriu ne’e kobre iha area direitu sivil no politika no direitu ekonomiku sosial no kultura.
Rogerio hatutan, lansamentu relatoriu ida ne’e hanesan instrumentu refleksaun HAK hanesan organizasaun no mos hanesan ba refleksaun saida mak estadu haketak fatin hanesan instituisaun importante iha estadu demokrasia Timor Leste nian tamba ne’e HAK halo refleksaun ida ne’e hanesan dalan ida ba nia-an rasik
Relatoriu ne’e sei foka liu ba asuntu direitus ba liberdade no integridade fizika, direitus liberdade ba relijiaun, direitus partisipa iha vida politika, akuntabilidade kazu violasaun direitus umanus tinan 1974-1999 nomos prosesu feto iha sistema justisa formal, alende mos halo peskiza direitus asesu ba rai no uma no direitus asesu ba aihan.
Iha hanesan Sekertariu Estado Seguransa Defesa Julio Thomas Pinto hateten katak, nia sente agradesementu ba assosiasaun HAK ne’ebe durante ne’e hasai relatoriu kona ba direitus umanus nian tamba ne’e relatoriu ne’e importante tebes ba F-FDTL tamba hanesan kontribuisaun ba Timor oan atu oinsa dezenvolve situasaun ba oin diak liu .
Julio dehan, konaba relatoriu ida ne’e diak tebes tamba relatoriu sira ne’e banhira sira fo sai sira sempre fahe ba F-FDTL no SED no nia mos sente kontente ho relatoriu ne’e tamba tinan ne’e F-FDTL hetan deit kazu Sia (9) maske iha tinan kotuk F-FDTL la halo kazu direitus umanus.
F-FDTL iha ona regra desde tinan 2011 ba ema ne’ebe halo violasaun direitus umanus iha seksaun justisa no sira tenki halo investigasaun ba iha disiplina.
Discussion about this post