Radio, online – Prezidenti Comisaun Nasional das Eleisoens (CNE), Faustino Cardoso fo sai klaru katak. Atu hare no avalia kondisaun saude ba Kandidatu Prezidensial (Kapres) CNE laiha direitu no lei la fo dalan.
Tuir Prezidenti CNE ne’e, atu kontrola no halo avaliasaun ba kondisaun Kapres ne’e Tribunal Supremu da Justisa nian.
“Ami laiha lei atu disidi kandidatu ida atu bele ka la bele bazeia ba saude, nee tribunal supremu ninia servisu,’Faustino realsa.
Faustino hatutan, foin lalais ne’e mosu lia falsu dehan CNE haruka karta ida ba kandidatu sira atu kontrola saude. “Ami la haruka karta ida ba kapres sira, ne’e lia fuan bosok no rumoris deit,”prezidenti CNE ne’e komenta.
Kapres sira mak atu kompete iha eleisaun fulan Marsu mai mak hanesan Jose Ramos Horta, Fernando Lasama de Araujo, Taur Matan Ruak, Francisco Guterres Lu-olo, Rogerio Lobato, Jose Luis Guterres, Angela Freitas, Angelita Pires, Maria do Cheu, Francisco Xavier do Amaral, Lucas da Costa, Abilio de Araujo, no Manuel Tilman.
Discussion about this post